1 Yahya 3:19 - Alkitab Duri

^19-20 Ia ke tapakamoja'i to padanta' tomatappa', iamo tandana kumua napuanakmiki' Puang Allataala. Jaji moi tasala situru' tangngahta', te'da taparallu malaja' jio olo-Na, nasaba' taissen kumua la'bih natandaiki' Puang, sanga Ia nnissenni to sininna apa.

1 Yahya 3:19 ပူးပေါင်းရင်းမြစ်များ

Yahya 13:35

Ia ke sipakamoja'mo kamu', iamo nanii nnissen ngasanni tau kumua, kamu'mo tonturu'na'.”

Yahya 18:37

Mekutana omi Gubernur Pilatus lako Puang Isa nakua, “Ia ke susii joo, Rajarokoka?” Mebalii Puang Isa nakua, “Susi tuu tapaunna kumua Rajana'. Dijajianna' kumentama lino mesa'ra akkatta-Ku', iamo to la mpamanassa katonganan. Ia to topole jio mai katonganan, napesa'dingngina'.”

Roma 4:21

Nakatappa'i Nabi Ibrahim kumua apa to mangka napau Puang Allataala, nang la napugaukki Ia.

Roma 8:38

Kuissen kumua, la kamatean, la katuoan, la malaeka', kuasa ba'tu kamawatangan laenna, pegarra' to dennamo too ba'tu mane' la ratunna,

2 Timotius 1:12

Iamo joo angkumaparri' susi tee lan pangtarungkuan. Apa te'da kukasirisanni, nasaba' kukanassai inda to kukatappa'i. Na kuissen kumua apa to napabarakkanna', makuasa too njagai sanggenna Kiama' lino.

Ibrani 10:22

Iamo joo la matappa' tonganki' na la lantuk tongan penawanta' mangngolo lako Puang Allataala, nasaba' mangkamiki' dipaccingngi mpake wai malinnong anna la'pahmiki' jio mai kasalanta'.

Ibrani 11:13

Matappa' ngasan tuu lako tau ratu lako matena. Ia tonna tuo unapa, te'dapa naampa'i to apa nabasseanni Puang Allataala, apa masannangngi sanga butung nakitami to apa dibasseanni. Namangngaku kumua toratu bangri ba'tu toleppang bangri lan tee lino.

1 Yahya 1:8

Ia ke mangkadaki' kumua te'da tamadosa, nnuragaki' kaleta' na te'da too taingaranni to katonganan.

1 Yahya 2:21

Jaji kuukiran kamu' tee sura' te'da kumua tangmiissenpi to pangngajaran tongan, apa sibalikannari. Miissen toomo kumua te'da pangnguraga lan joo pangngajaran tongan.

1 Yahya 3:14

Ia ke mpakamoja'ki' padanta' tomatappa', taissen kumua te'damo nakuasaiki' kuasa kamatean, apa ntarimamiki' katuoan melo te'da cappa'na. Na ia to tote'da napakamoja' tolaen, tonakuasaipa ia kuasa kamatean.

1 Yahya 3:21

Ee, tomala'bihku' to kupakamoja'! Ianna te'da tasala situru' tangngahta', la baraniki' massambajang lako Puang Allataala.