1 Yahya 3:18 - Alkitab Duri

¹⁸ Ee, tokupuanak! Danggi' na jio mandara timu, ba'tu kadanta' mandara to pangpakamoja'. Apa nang la mangpakamoja' tonganki', to pajan jio panggaukanta'.

1 Yahya 3:18 ပူးပေါင်းရင်းမြစ်များ

Lukas 7:5

nasaba' nakamaseiki' to kita' to-Yahudi, nakabuatankan bola passambajangan.”

Yahya 17:19

Mangkamo kuturu' to kadan-Ta' angkumpangben kale-Ku' susi karoba, anna pumeloi tuu lako taun-Ta'. Kupugaukki susi joo dikua anna ia tuu lako taun-Ta' nturu' toda kadan-Ta' na mpangben toda kalena lako kale-Ta' namenjaji tau mesan-Ta'.

Roma 12:9

La sipakamoja' tongan kamu'! Kaba'cii to kagajatan, mipengkulleii to kameloan.

Galatia 5:13

Ee, tokupusile'to! Nala'paranmo kamu' Puang Isa jio mai atoran agama! Apa danggi' mipake salai to kadila'paranmi mpugauk mangrupa-rupa kagajatan situru' kamadoangan penawammi, apa la situlungra kamu', misipakamoja' too.

Efesus 4:15

Apa nturu' tonganmiki' pangngajaran tongan na sipakamoja' tooki'. Na samasai-sainna menjajimiki' susi Almaseh lan sininna passalan. Iamo dipasangrapang ulu,

1 Tesalonika 1:3

Mangkurru sumanga'kan sanga kiingaran tarruhhi jio olo-Na Ambe'ta' Puang Allataala to panggaukan melo mipugauk nasaba' kamatapparanmi. Kiingaran too to pangtulungmi lako padammi rupa tau nasaba' pangpakamoja'mi. Kiingaran kumua da'tan kamu' mawatang nnoloi mangrupa-rupa pecoba nasaba' mangrannuan kamu' lako Puangta' Puang Isa Almaseh.

1 Petrus 1:22

Mangkamo mipemeloi to sipa'mi, sanga nturu'mo kamu' pangngajaran tongan jio mai Puang Allataala na danggi' mianggai'-gai' bangri mpakamoja' padammi tomatappa'. Iamo joo la sipakamoja' tongan kamu'.

1 Yahya 2:1

Ee, tokupuanak! Kuukiran kamu' tee kukua nadanggi' mipugauk dosa. Apa ia ke denni tompugauk dosa, denmo to mpangkadananki' jio olo-Na Puang Allataala, Iamo Puang Isa Almaseh to maruruh.

1 Yahya 3:7

Ee, tokupuanak! Danggi' lalo naden tau mieloran la mpalao sala kamu'. Tomelo to nturu' pakkaeloran-Na Puang Allataala, susi Almaseh.

2 Yahya 1:1

Tomala'bihku' to kupuindo' sintong anak! Indo' to napileimo Puang Allataala, na anakkami to kupakamoja' tongan. Na te'da na aku' manda, apa ia ngasan to tau nnissenmo pangngajaran tongan mpakamoja' too kamu', sanga matappa' kamu' lako joo pangngajaran tongan ammituru' tarruhhi. Aku' Yahya mesa' pekaamberan jamaa nnuki'i tee sura'.

3 Yahya 1:1

Ee, tomala'bihku' Gayus to kupakamoja'! Aku' Yahya, mesa' pekaamberan jamaa nnuki'i tee sura' lako iko to kupakamoja' tongan.