1 Yahya 3:17 - Alkitab Duri

¹⁷ Ia ke denni toganna'-ganna' una to apa naampui, nakitai to padanna tomatappa' te'da bang dikka' apanna, apa te'da natulungngi, te'da nawa'ding la ssanga kalena kumua tompakamoja' Puang Allataala.

1 Yahya 3:17 ပူးပေါင်းရင်းမြစ်များ

Kada Bulawan 12:10

Ia to tomakassing mparakai melo patuoanna, apa ia to pangpakamoja'na to togaja', maparrang.

Kada Bulawan 14:31

Ia to tongkamasei tokaasi-asi, mpakala'bih Puang Allataala, apa ia to tompa'dikki tomakario-rio, te'da naangga' Puang Allataala to mpaden tolino.

Kada Bulawan 19:17

Ia ke ngkamaseiki' tokaasi-asi, butung to mangpeindan lako Puang Allataala, na Puang Allataala Ia la mpabalahhi joo panggaukanta'.

Kada Bulawan 21:13

Ia to tomangmataru-taru lako sarrona tokaasi-asi, te'da toda ia na la diparinawa ke meta'da tulungngi.

Kada Bulawan 28:9

Ia to tocia' nturu' atoran-Na Puang Allataala, Nakako'do' Puang Allataala to passambajangna.

Lukas 3:11

Mebalimi nakua, “Ia to tonnampui dua baju, la naben mesa' lako to te'da bajunna. Na ia to tonnampui kande la natawa-tawan tote'da kandena.”

2 Korintus 8:9

Miissen kumua gaja napakamoja' kamu' Puangta' Puang Isa Almaseh. Sugih Ia, apa mpupengkaasi-asii kalena nasaba' kamu', anna ia joo kakaasi-asian-Na mpupessugih kamu'.

Ibrani 13:16

Danggi' mitangnningaranni mpugauk kameloan nasitulung, sanga iamo karoba napumasannang Puang Allataala.

Yakub 2:15

Susinna ianna den mesa' padanta' tomatappa' tangmangtamang kale na tangsirundunan too to la nakande keallo-keallo.

Yakub 2:16

Te'da bua'na ke den kamu' to ngkuanni, “Paela'-ela' bangmoko, dennaa upa' na melo pakeanmu mukumande sabarahna.” Ia ke te'da mibenni to naparalluinna, te'da bua'na joo!

1 Yahya 4:20

Pangnguraga to tau ke nakua, “Mpakamoja'na' Puang Allataala”, apa te'da napakamoja' padanna tomatappa'. Nasaba' ia pole'raka la napakamoja' to Puang Allataala to te'da nakitai, na ia to padanna tomatappa' to nakita na te'da napakamoja'i.

1 Yahya 5:1

Ia to tongkatappa'ii kumua Raja Mangpasalama' to Puang Isa, napuanak Puang Allataala. Na ia to tompakamoja' to mangpuanak, napakamoja' too to dipuanak.