1 Yahya 3:16 - Alkitab Duri

¹⁶ Mpangbenmo sunga'-Na Almaseh ssulle sunga'ta'. Iamo joo taissenni kumua, la matumba todai carata' la mpakamoja' tolaen. Jaji la mpangben todaki' sunga'ta' ssulle sunga'na padanta' tomatappa'.

1 Yahya 3:16 ပူးပေါင်းရင်းမြစ်များ

Matius 20:28

Susi tee Aku', Anak Mentolino, te'da kuratu tama lino la massua, apa ratura' la menjaji todisua-sua sola la mpangben sunga'-Ku' kumua nadila'bak to tolino jio mai dosana.”

Yahya 10:11

Aku'mo tomangrewa makanana'. Ia to tomangrewa makanana' mpangben sunga'-Na ssullei to bembala'-Na.

Yahya 13:34

Kuben kamu' parenta baru kumua, la sipakamoja' kamu'. Susi Aku' mpakamoja' kamu', susi toda kamu' la sipakamoja'.

Yahya 3:16

Liwa' napakamoja' Puang Allataala to tolino. Iamo joo nasuai to Anak tungga'-Na mpangben sunga'-Na naputuoi tolino. Na ia to tomatappa' lako, te'da nalamasolang, apa la nnampa' katuoan melo te'da cappa'na.

Jamanna Rasulu' 20:28

Njagai kamu' kalemi. Mijagai tooi jamaa to mangka napangben Roh Allataala la mijagai, nasaba' kamu'mo diangka' menjaji tonnatoro' jamaa-Na Puang Allataala. La mijagai melo to taun-Na susi tomangrewa rrewai bembala'na, nasaba' elohnamo Puang Allataala namate Puang Isa dikua nawa'ding lla'bak taun-Na.

Roma 16:4

Ci'di'mora namate sola dua mpessangkaina'. Te'da na aku' manda to mangkurru sumanga' lako kalena sola dua, apa sininna too jamaa bangsa tangngia to-Yahudi inde'.

Roma 5:8

Apa napakitanmiki' Puang Allataala to pangpakamoja'-Na, nasaba' ia tonna taloi unapiki' kuasa dosa, matei to Almaseh mpangngewanki'.

2 Korintus 4:12

Jaji, ia to kami' tuli naancangkan kamatean, dikua ammiampa' katuoan melo te'da cappa'na.

Efesus 5:2

La sikamasean kamu' susi Almaseh ngkamaseiki', iamo na mpangkaroban kalena la mpasalama'ki'. Ia joo kamatean-Na susi karoba bunangngu' to napumasannang Puang Allataala.

Efesus 5:25

Ee, kamu' muane! Pakamoja'i to bainemi susi Almaseh mangpakamoja' napangkaroban kalena ssulle tomatappa'.

Filipi 2:17

Ia tee aku' mangkana' mpaissenni kamu' to Kareba Kasalamatan ammimemmatappa'. Na moi nadipato'do to raraku', nabutung dipatibolloh susi karoba lako Puang Allataala nasaba' ia to mangka kupugauk lako kalemi, la masannangna' antamasannang sola.

Filipi 2:30

nasaba' garapai mate tonna mpangjaman Almaseh, iamo to mpugaukki to apa la mitulunganna', na te'damo nacirinnai sunga'na.

1 Tesalonika 2:8

Tangngia to kumua sadia mandakan mpangpeissenanni to Kareba Kasalamatan jio mai Puang Allataala, apa moi sunga'ki' sadia tookan mpangbenni, nasaba' liwa'kan mpakamoja' kamu'.

Titus 2:13

Ia tee too tatajanni joo Wattu tanii la mario-rio. Ia joo Wattu la nakita tau to kamala'biran-Na Puang Isa Almaseh, iamo Puang Allataala mala'bih na Tomangpasalama'ta'.

1 Petrus 1:18

Napukaunan kamu' jolo to sipa' te'da bua'na to mimanah jio mai tojolomi. Miissen to apa mangka napake Puang lla'bak kamu' ammikullei mpatorro sipa' jolomi. Ia to pela'bak tangngia ewanan la masolang, susinna pera' ba'tu bulawan,

1 Petrus 2:24

Almasehra Ia mperasai kamaparrisan jao kaju sitamben nasaba' dosata', antala'pah jio mai kuasa dosa, antaturu' too pakkaeloran-Na Puang Allataala. Napamalagahki' nasaba' kamaparrisan-Na Almaseh jao kaju sitamben.

1 Petrus 3:18

Nasaba' pissenra mate to Almaseh la ndampangan tolino. Ia to Almaseh, to te'da namadosa, namate ssulle tomadosa, dikua misikalino pole' Puang Allataala. Batang kale-Na nabuno tau, apa napatuo pole'i Roh Allataala.

1 Yahya 2:6

Ia to tomangkada kumua, “Mesa' penawana' sola Puang Allataala”, la naturu' to sipa'na Almaseh.

1 Yahya 2:9

Ia to mangkada kumua, “Nturu'na' pakkaeloran-Na Puang Allataala”, apa ngkaba'ci unapa padanna tomatappa', te'dapa nanturu' pakkaeloran-Na Puang Allataala.

Pengkitanna Yahya 1:5

Ia to Puang Isa sa'bi maruruh. Iamo bungah dipatuo jio mai kamatean. Ia toomo ngkuasai sininna raja lan lino. Napakamoja'ki' namate anna la'paranmiki' jio mai dosata'.

Pengkitanna Yahya 5:9

Makkelongngi mpukelong kelong baru: “Sipato'ki' nnalai tapiak tooi to segelna tuu sura' tilulun, sanga mangkamiki' digere' anna ia to rara kamatean-Ta' tapake nnallian tau Puang Allataala jio mai sininna rapu tau, tondok, basa na bangsa.