1 Yahya 2:9 - Alkitab Duri

⁹ Ia to mangkada kumua, “Nturu'na' pakkaeloran-Na Puang Allataala”, apa ngkaba'ci unapa padanna tomatappa', te'dapa nanturu' pakkaeloran-Na Puang Allataala.

1 Yahya 2:9 ပူးပေါင်းရင်းမြစ်များ

Yahya 9:41

Mebalimi Puang Isa nakua, “Ia ke la susi kamu' tobuta to te'da naissen pangngajaran tongan, te'da mimadosa. Apa mikua kumua, ‘Pakitakan’, iamo joo mida'tanpa madosa.”

Jamanna Rasulu' 1:15

Den wattu, tonna sirempun agi-agi saratuh duang pulo tomatappa', ke'dehmi Petrus mangkada nakua,

2 Petrus 1:9

Na ia to tote'da namessipa' susi joo padai tobuta, te'da nakita macero, battuananna te'damo naingaranni kumua mangkami didampangan tonna madosa jolona.

1 Yahya 1:6

Ia ke takua kumua mesa' penawamiki' sola Puang Allataala, apa te'da tatuo situru' pakkaeloran-Na, manassa mangnguragaki' sanga te'da taturu' pangngajaran tongan.

1 Yahya 2:11

Apa tomadosapa to tongkaba'ci padanna tomatappa'. Te'dapa naturu' pakkaeloran-Na Puang Allataala, na te'da too naissenni umbo nanii la mangnguju, nasaba' napabutai kuasa dosa to mata penawanna.

1 Yahya 2:4

Topangnguraga na tote'da naampui katonganan to tomangkada kumua, “Nnissenna' Puang Allataala”, apa te'da naturu'i to parenta-Na.

1 Yahya 3:10

Inda-inda to te'da nampugauk pakkaeloran-Na Puang Allataala ba'tu te'da nampakamoja' padanna tomatappa', te'da napuanakki Puang Allataala. Iamo joo mpamanassai indara to napuanak Puang Allataala na inda to napuanak Ballisi'.

1 Yahya 4:20

Pangnguraga to tau ke nakua, “Mpakamoja'na' Puang Allataala”, apa te'da napakamoja' padanna tomatappa'. Nasaba' ia pole'raka la napakamoja' to Puang Allataala to te'da nakitai, na ia to padanna tomatappa' to nakita na te'da napakamoja'i.