1 Yahya 2:8 - Alkitab Duri

⁸ Apa moi nasusi joo, wa'ding too dikua parenta baru, nasaba' Almasehmora to mpugaukki mipugauk todai. Susimi joo, nasaba' te'damo minnewa Puang Allataala na mangpamulamo kamu' nturu' pakkaeloran-Na Puang.

1 Yahya 2:8 ပူးပေါင်းရင်းမြစ်များ

Matius 4:16

Ia to tote'dapa naissen Puang Allataala, susimo to totuo lan kamalillinan, na ngkitamo arrang-Na Puang Allataala. Ia to tau susimo to totorro lan lino tomate, napubua' dosana, naarrangngimi arrang kasalamatan-Na Puang Allataala.”

Lukas 1:79

la nnarrangngi sininna tau, to tuo lan kamalillinan na kamalajatan. Napatujuki' lako lalan to nanii kasikalinoan.”

Yahya 1:9

Ia joo Kada, iamo Arrang tongan, ratumo tama lino nnarrangngi penawanna sininna tolino.

Yahya 12:35

Mebalimi Puang Isa nakua, “Cingga'tu'mora tee Aku' arrang ssolan kamu'. Jaji lumingkamo kamu' ke sola unapa kamu' tee arrang, danggi' mikalillinan. Ia to tolumingka lan kamalillinan, te'da naissenni umbora la nanii male.

Yahya 12:46

Ratumo' tama lino susi arrang, dikua na ia to tomatappa' lako Aku', te'damo nalatorro lan kamalillinan.

Yahya 13:34

Kuben kamu' parenta baru kumua, la sipakamoja' kamu'. Susi Aku' mpakamoja' kamu', susi toda kamu' la sipakamoja'.

Yahya 8:12

Mangkada pole' omi Puang Isa lako tobuda nakua, “Aku'mo arrang to nnarrangngi penawanna tolino. Ia to tonturu'na', te'da nalalumingka lan kamalillinan, apa la nnampui arrang to mbenni katuoan.”

Jamanna Rasulu' 17:30

Te'damo napallan penawai to wattu katangpaissenanta', apa ia tee too nasua ngasan to tau lan lino mengkatoba' jio mai dosana.

Jamanna Rasulu' 26:18

mpami'cikki to matanna, ssolanni jio mai kamalillinan lako macerona, lla'paranni jio mai kuasanna Ballisi' lako kuasan-Na Puang Allataala, anna didampangan, namenjaji umma'-Na to napilei Puang Allataala, sanga matappa'i lako Aku'.’ ”

Roma 13:12

Cingga'tu'mora naratu to kasalamatan. Iamo joo tapajaimi mpugauk kagajatan. Taparewaimo kaleta' panggaukan melo.

2 Korintus 8:9

Miissen kumua gaja napakamoja' kamu' Puangta' Puang Isa Almaseh. Sugih Ia, apa mpupengkaasi-asii kalena nasaba' kamu', anna ia joo kakaasi-asian-Na mpupessugih kamu'.

Efesus 5:8

Ia tonna jolona ia to sipa'mi susi sipa'na to tote'da naissen Puang, apa ia tee too nnissenmo kamu' Puang. Iamo joo ia to panggaukanmi la susi unamo panggaukanna umma'-Na Puang.

2 Timotius 1:10

Na ia tee too mentolinomi to Puang Isa Almaseh, Tomangpasalama'ta', napakitan tonganmiki' to kameloan penawan-Na Puang. Iamo mangka ntaloi kuasa kamatean, anna pamanassai lako kita' to katuoan melo te'da cappa'na, ke ngkatappa'iki' Kareba Kasalamatan.

1 Petrus 1:21

Almasehmora ammimatappa' lako Puang Allataala, to mangka mpatuo pole'i jio mai kamatean, na mpakala'bih tooi. Jaji, Puang Allataalara mikatappa'i, na Ia manda toora miparannuan.

1 Yahya 3:23

Iamo tee to parenta-Na kumua, la matappa'ki' lako Anak, Puang Isa Almaseh, sola la sipakamoja'ki', susi to mangkamo nasuanki' Almaseh.

1 Yahya 4:11

Ee, tomala'bihku' to kupakamoja'! Ia ke susimi joo kumua gaja napakamoja'ki' Puang Allataala, jaji moi kita' la sipakamoja' todaki'.

1 Yahya 4:21

Jaji, ia to tompakamoja' Puang Allataala, la mpakamoja' too padanna tomatappa'. Iamo joo napangparentan Almaseh lako kita'.