1 Yahya 2:5 - Alkitab Duri

⁵ Apa ia to tonturu' kadan-Na Puang Allataala, iamo mpakamoja' tongan Puang Allataala. Iamo tandana kumua mesa' penawamiki' sola Puang Allataala.

1 Yahya 2:5 ပူးပေါင်းရင်းမြစ်များ

Kada Bulawan 28:7

Mapahang to kallolo mparinawa tongan atoran-Na Puang Allataala, apa ia to tosiama' tomaullak mpakasiri' ambe'na.

Kada Bulawan 8:32

Jaji, ee sininna bati'ku', pesa'dingngina'! Turu'i to kupatujuan kamu', mipumasannangngi.

Lukas 11:28

Apa mebalimi Puang Isa nakua, “La'bih masannang pole' opa to tompesa'dingngi kadan-Na Puang Allataala napugaukki!”

Yahya 14:21

Ia to tontarima parenta-Ku' napugaukki, iamo tompakamoja'na'. La napakamoja' Ambe'-Ku' to tompakamoja'na'. Moi Aku' mpakamoja' todai na kupangpekitan kale-Ku'.”

Yahya 14:23

Mebalii Puang Isa nakua, “Ia to tompakamoja'na', la naturu' to pangngajah-Ku'. La napakamoja' Ambe'-Ku' joo tau. La ratuna' sola Ambe'-Ku' lako to tonturu' pangngajaran-Ku', angkitorro mari'pih sola.

Yahya 15:5

Aku'mo garonto' anggoro', na kamu'mo to tangkena. Ia to tomemmesa' sola Aku', na Aku' memmesa' sola ia, iamo la membua buda. Nasaba' ia ke te'da mimemmesa' sola Aku', te'da lalo mikullei mpugauk apa.

Yahya 6:56

Na ia to tongkande batang kale-Ku' na nniso' rara-Ku', da'tanni memmesa' sola Aku' na Aku' toda memmesa' sola ia.

Roma 8:1

Ia tee too te'damo nakannai pangcalla to tomemmesa'mo sola Puang Isa Almaseh,

1 Korintus 1:30

Menjajimo kamu' umma'-Na Puang Isa Almaseh, nasaba' Puang Allataalara. Iamo ssua Puang Isa la mpasalama' kamu', napupenjaji kamu' tomacca, tomelo, napatorro leko' kamu' jio mai to totangnturu' Puang, nala'bak kamu' jio mai kuasa dosa.

2 Korintus 5:17

Ia to memmesa' penawamo sola Almaseh, menjaji tau barumo. Lanynya'mi to masainna, anna menjaji baru ngasanmo.

2 Korintus 5:21

Puang Allataala mpabalahhi Almaseh moi na te'da namadosa. Ia ssulleki', nasaba' dosata', anna pupenjaji tomeloki' nasaba' memmesa' penawaki' sola Almaseh.

Yakub 2:22

Jaji manassa kumua iapi natongan to kamatapparan ke dipasiolananni panggaukan.

1 Yahya 3:24

Ia ngasan to tonturu' parenta-Na Puang Allataala, mesa' penawami sola Puang Allataala, na Puang Allataala mesa' penawa too sola ia. Na taissen kumua Puang Allataala mesa' penawa sola kita', sanga mangkamiki' naben Roh Allataala.

1 Yahya 4:17

Ia ke mangkaki' mperasai pangpakamoja'-Na Puang Allataala, baranimiki' mangngolo lako Puang Allataala ke Kiama'mi lino. La nnampuiki' kabaranian, nasaba' ia to sipa'ta' lan lino susi sipa'-Na Almaseh.

1 Yahya 4:18

Ia to tomangka mperasai pangpakamoja'-Na Puang Allataala, te'da naissenni to disanga malaja', nasaba' ia to pangpakamoja' nta'dei to kamalajatan. Jaji, ia ke malaja'ki' kumua la nasessaki' Puang Allataala ke Kiama'mi lino, battuananna kumua te'dapa taperasai pangpakamoja'-Na Puang Allataala.

1 Yahya 5:2

Iamo tee tandana tanii nnissenni kumua mpakamoja'ki' to napuanak Puang Allataala, ke tapakamoja'i to Puang Allataala, antaturu'i to parenta-Na.

1 Yahya 5:20

Taissenmo kumua mangkamo mentolino to Anak Allataala na mangka toomo mbenki' kapaissenan, antawa'ding nnissenni indara to Puang tongan. Mesa' penawamiki' sola Puang Allataala tongan, sanga mesa' penawamiki' sola Anak Allataala, Puang Isa Almaseh. Iamo Puang Allataala tongan, to mpangben katuoan melo te'da cappa'na.

2 Yahya 1:6

Sipakamoja' battuananna nturu'miki' parenta-Na Puang Allataala. Na ia to parenta misa'dingmo tommimane' matappa', iamo to kumua la da'tan kamu' sipakamoja'.

Pengkitanna Yahya 12:17

Liwa' birih joo naga lako joo baine anna male rrarii to anak laenna, iamo to tonturu' pakkaeloran-Na Puang Allataala sola to menjaji sa'bin-Na Puang Isa.

Pengkitanna Yahya 14:12

Jaji la sabbara' to umma'-Na Puang Allataala. Iamo to tonturu' pakkaeloran-Na Puang Allataala, namatappa' lako Puang Isa.