1 Yahya 2:29 - Alkitab Duri

²⁹ Miissenmo kumua, ia to Almaseh nturu' pakkaeloran-Na Puang Allataala. Iamo joo la parallu too miissen kumua ia to tonturu' pakkaeloran-Na, napuanak Puang Allataala.

1 Yahya 2:29 ပူးပေါင်းရင်းမြစ်များ

Yahya 1:13

Ia to todiben kuasa menjaji anak Puang Allataala, te'da nadijajian susi pea, apa Puang Allataala kalena mpupenjaji anakki.

Yahya 7:18

Na ia to tompangpangngajaran ia kamaccanna, iamo to nnangaranra kadipujian kalena. Apa ia to tonnangaran kadipujian to tossuai, iamo to maruruh penawa, to te'da namangnguraga.

Jamanna Rasulu' 10:35

Moi tau tangngia to-Yahudi, apa ia ke ssompai Puang Allataala na mpugauk kameloan, natarima too Puang Allataala.

Jamanna Rasulu' 22:14

Mangkai joo too nakuanna', ‘Mangkamoko napilei Puang Allataala to nasompa tojolota', dikua ammuissenni to pakkaeloran-Na, ammukitai to Puang Isa ammussa'dingngi to gamaran-Na.

Jamanna Rasulu' 3:14

Moi na pesua mattantun-Na Puang Allataala to te'da nakasalan, apa cia' kamu' ntarimai ammipeta'dai lako Pilatus la la'paranni joo to mbuno tau.

2 Korintus 5:21

Puang Allataala mpabalahhi Almaseh moi na te'da namadosa. Ia ssulleki', nasaba' dosata', anna pupenjaji tomeloki' nasaba' memmesa' penawaki' sola Almaseh.

Ibrani 7:2

Nabenni Nabi Ibrahim tawa sangpulona sininna to apa narampa. (Ia to imang Melkisedek disanga “Raja Kamarurusan”, sanga ia to kada melkisedek battuananna raja kamarurusan. Disanga tooi “Raja Kasikalinoan”, sanga rajai jio kota Salem, na salem battuananna kasikalinoan.)

Ibrani 7:26

Jaji, iamo Imang Lompo taparallui to Puang Isa. Tomelo Ia, te'da sala-Na ba'tu kakurangan-Na. Todipatorro leko' jio mai tomadosa, na dipaendek de' la'bih majaona na ia to langi'.

Yakub 1:18

Mangkamiki' napuanak situru' pakkaeloran-Na mpake pangngajaran tongan. Iamo napugaukki susi joo, sanga napamala'bihki' na ia to sininna olok-olok napaden.

1 Petrus 1:23

La sipakamoja' kamu', nasaba' pole jio mai kadan-Na Puang Allataala, ammimenjajimo tobaru susi to dijajian pole', to te'da najaji jio mai tolino to la mate, apa dijajian jiora kamu' mai kada to tuo te'da cappa'na.

1 Petrus 1:3

Tamangkurru sumanga' lako Puang Allataala, Ambe'-Na Puangta' Puang Isa Almaseh! Liwa' Ia ngkamaseiki', anna patuo pole'i to Puang Isa Almaseh antawa'ding nnampa' katuoan baru. Iamo joo tangbataki' rrannuan Puang.

1 Petrus 3:18

Nasaba' pissenra mate to Almaseh la ndampangan tolino. Ia to Almaseh, to te'da namadosa, namate ssulle tomadosa, dikua misikalino pole' Puang Allataala. Batang kale-Na nabuno tau, apa napatuo pole'i Roh Allataala.

2 Petrus 1:4

Susimi joo carana Puang Allataala mbenki' barakka' liwa' tonggo to te'da nasusian keangga'na, to mangkamo nabasseanki'. Naben kamu' joo barakka' ammimessipa' melo susi sipa'-Na, nadanggi'mo mituru' kamadoangan gaja'. Ia joo kamadoangan gaja' ssolangngi totangnturu' Puang Allataala.

1 Yahya 2:1

Ee, tokupuanak! Kuukiran kamu' tee kukua nadanggi' mipugauk dosa. Apa ia ke denni tompugauk dosa, denmo to mpangkadananki' jio olo-Na Puang Allataala, Iamo Puang Isa Almaseh to maruruh.

1 Yahya 3:5

Miissen kumua ratumi Puang Isa la ndampangan tolino. Na miissen too kumua tangmadosa to Almaseh.

1 Yahya 3:7

Ee, tokupuanak! Danggi' lalo naden tau mieloran la mpalao sala kamu'. Tomelo to nturu' pakkaeloran-Na Puang Allataala, susi Almaseh.

1 Yahya 4:7

Ee, tomala'bihku' to kupakamoja'! Sipakamoja'ki', nasaba' pole jio mai Puang Allataala to pangpakamoja'. Na ia to tomangpakamoja' napuanak Puang Allataala, na tonnissen too Puang Allataala.

1 Yahya 5:1

Ia to tongkatappa'ii kumua Raja Mangpasalama' to Puang Isa, napuanak Puang Allataala. Na ia to tompakamoja' to mangpuanak, napakamoja' too to dipuanak.

1 Yahya 5:18

Taissen kumua sininna to napuanakmo Puang Allataala te'damo napugauk tarruh dosa, na te'da toomo nakullei Ballisi' mpugaukki moi apa lako kalena, nasaba' naampaimo Anak Allataala.

1 Yahya 5:4

sanga ia to tonapuanakmo Puang Allataala mangkamo ntaloi kuasanna tolino to tangnturu' Puang Allataala. Ia to tapake ntaloii, iamo to kamatapparanta'.

3 Yahya 1:11

Ee, tokupakamoja'! Danggi' muturu'i to apa tangmelo, apa iara to melona. Ia to tompugaukki to melona, taun-Na ia Puang Allataala. Apa ia to tompugaukki to tangmelona, to tangnnissenpa ia Puang Allataala.