1 Yahya 2:18 - Alkitab Duri

¹⁸ Ee, tokupuanak! La Kiama'mi lino. Mangkamo kamu' dipauan kumua la ratumi to tonnewa Almaseh, na budamo to mpapajan kalena tee too. Iamo tandana kumua la Kiama'mi lino.

1 Yahya 2:18 ပူးပေါင်းရင်းမြစ်များ

Matius 24:11

Buda nabi tangtongan la ratu mpalao sala buda tau.

Matius 24:24

Nasaba' buda nabi tangtongan sola tossanga kalena tomangpasalama' la mpangpekitan kalena. La mpugauk mangrupa-rupa tanda mejangngaran sola panggaukan mekalajatan, la mpalao sala tau, na ke wa'dingngi moi too umma'-Na Puang Allataala.

Matius 24:5

Nasaba' buda tau la ratu mpusanga sangang-Ku' nakua, ‘Aku'mo Raja Mangpasalama'!’ na buda tau la napalao sala.

Markus 13:6

Nasaba' buda tau la ratu mpusanga sangang-Ku' nakua, ‘Aku'mo Raja Mangpasalama'!’ na buda tau la napalao sala.

Yahya 21:5

Nakua Puang Isa ngkuanni, “Oo pea, denraka balemi?” Mebalii nakua, “Te'da Kita'!”

Roma 13:11

La mipugauk susi joo, nasaba' miissen wattu apara tee too. Miissen kumua wattunnamo kamu' la mi'cik, nasaba' la'bih mandoppi'mi to wattu nanii Puang Allataala la mpasalama'ki', na ia tontamane' matappa'.

Roma 13:12

Cingga'tu'mora naratu to kasalamatan. Iamo joo tapajaimi mpugauk kagajatan. Taparewaimo kaleta' panggaukan melo.

Ibrani 1:2

Apa ia tee wattu tampakkana lino nasuai to Anak mpaui lako kita'. Ia joo Anak mangkamo napattantu Puang Allataala to sipato' mpuapai to sininna apa, nasaba' Iamo napake Puang Allataala mpadenni tee lino.

1 Petrus 1:20

Ia tonna te'dapa nadipaden tee lino napattantu jolomo Puang Allataala kumua Puang Isa Almaseh menjaji Tomangpasalama', na ia tee wattu la tampakkanami lino ratumi la mpasalama' kamu'.

1 Petrus 1:5

La naben ngasan kamu' joo, nasaba' matappa' kamu' lako Puang Allataala. Jaji, naampai kamu' kuasan-Na Puang Allataala, ammitarima kasalamatan to sadiamo la naben kamu' ke Kiama'mi lino.

1 Petrus 4:7

La ndete'mi tampakkana tee lino na sininna apa. Iamo joo la mita'tan to kalemi, na majaga too kamu' ammitatta' massambajang susi to sipato'na.

2 Petrus 2:1

Ia to wattu pura diboko', den nabi tangtongan mentialla' lan tangnga-tangngana umma'-Na Puang Allataala. Susi toomi tee too den guru tangtongan la mentialla' lan tangnga-tangngami. Ia to pangngajaranna la mpalao sala na ssolangan tau. Mpessakkannii Puang Isa to mangka lla'bakki jio mai kuasa dosa. Iamo joo madoi' la mparatu kamasolangan lako kalena.

2 Petrus 3:3

Ia to kaminang parallu la miissen, iamo to kumua, ia ke la Kiama'mi lino, den tau ratu to nturu' bang kamadoangan gaja'na. La nacapa'-capa' kamu',

1 Yahya 2:22

Indara topangnguraga? Ia to tokumua tangngia Raja Mangpasalama' to Puang Isa, to nasua Ambe', Puang Allataala. Ia to tokumua susi joo, tonnewa ia Almaseh, nasaba' te'da natarimai to Ambe' sola Anak.

1 Yahya 4:1

Ee, tomala'bihku' to kupakamoja'! Danggi' mikatappa'i ngasan bangngi to tomangngaku nnampui Roh Allataala, apa pemanassai jolo' kumua Roh Allataala tonganmoraka to naampui, ba'tu tangngiaraka. Nasaba' budamo nabi tangtongan male bang llelei tondok.

1 Yahya 4:3

Apa ia to totangnnakuii to Puang Isa susi joo, iamo totangnnampui Roh Allataala. Ia joo tau nnampui roh jio mai to tonnewa Almaseh. Misa'dingmo kumua la ratu joo roh, nadenmo lan lino tee too.

2 Yahya 1:7

Buda tompalao sala tau male bang llelei tondok. Ia tuu lako tau te'da naakuii kumua mentolinomo to Puang Isa. Ia to mangkada susi joo, tompalao sala tau na tonnewa Almaseh.

Yudas 1:18

Napauan jolomo kamu' kumua, ianna la Kiama'mo lino, buda tau la ncapa'-capa' kamu'. Ia tuu lako tau nturu' punala bang kamadoangan gaja'na, te'da namengkaturu' lako Puang Allataala.