1 Yahya 2:16 - Alkitab Duri

¹⁶ Sininna joo, susinna kamadoangan penawa, kamadoangan nnampui sininna to dikita, kamatampoan, te'da napole jio mai Puang Allataala apa pole jio ngasan mai tolino, to tangnturu' Puang Allataala.

1 Yahya 2:16 ပူးပေါင်းရင်းမြစ်များ

Kada Bulawan 27:20

Ia to lino tomate na kamasolangan te'da pajana nnamma' tau, susi toomi to tolino te'da pajana to nakadoangngi.

Kada Bulawan 6:25

Danggi' napakacinnako kamaloloanna, danggi' nale'ke'i penawammu to kamaballoan matanna.

Daniel 4:30

mangkadana' kukua, ‘Liwa' matonggo tee Babel to mangkamo kupupenjaji kota nanii torro raja, mpangpekitan kamawatangan, kamakuasan, kadianggasan sola kamala'biranku'.’

Matius 4:8

Nasolan pole' omi Ballisi' to Puang Isa de' buntu gaja jao, napakitanni to sininna kaparentan lan lino sola kamala'biranna.

Matius 5:28

Apa kukuan kamu' kumua, ia to tongkita mesa' baine na madoang nggauk salai, disangami manggauk sala lan penawanna lako joo baine.

Lukas 4:5

Nasolan omi Ballisi' to Puang Isa de' ngenan majao, napakitanni sangkappidian mata to sininna kaparentan lan lino.

Roma 13:14

Ake'mo na Puang Isa Almaseh mpatuju kamu' to sipato'na mipugauk. Danggi' mituru'i bang kamadoangan gaja'mi.

1 Korintus 10:6

Ia ngasanmo joo mpupangngingaranki' nadanggi' tamadoang mpugaukki to apa gaja' susi tuu lako tau.

Galatia 5:17

Nasilaenan pangkabudaianna tolino na pangkabudaian-Na Roh Allataala. Siewa tarruhhi sola dua, sanga madosa ngasan to tau. Iamo joo na te'da mikullei mpugaukki apa to mikadoangngi.

Galatia 5:24

Na ia to taun-Na Puang Isa Almaseh mangkami naca'bean to kamadoangan gaja'na.

Efesus 2:3

Ia joo wattu susimiki' tuu lako tau sola ngasan. Nturu' bangki' kamadoangan penawanta', antapugauk bangngi to gaja'na la mpesannangngi penawanta'. Iamo joo sipato' kumua nakagalliki' Puang Allataala anna la mpabalahhiki' susi tolaen.

Titus 2:12

Napake Puang Allataala joo kameloan penawan-Na nnajahhiki', antatorroii mpugaukki to apa tangnakabudai, nadanggi' taturu' kamadoangan gaja'ta' susi to tapugauk tonna te'dapa tamatappa'. Sibalikanna naajahhiki' mandalan tangngah, mpugauk pakkaeloran-Na sola ssompai, ke tuo unapiki' lan tee lino.

Titus 3:3

Nasaba' moi kita' tonna jolona bango' tooki', antalao sala, te'da too taturu' Puang Allataala. Napukaunan tooki' mangrupa-rupa kamadoangan sola pakkaeloran penawa. Mpugauk tooki' kagajatan sola masere ati, na massikaba'ci bangki'.

Yakub 3:15

Ia to kamaccan susi joo te'da napole jao mai suruga apa pole jiori mai tee lino, jio mai pangkabudaian gaja'na tolino, jio mai setang.

Yakub 4:16

Sitonganna te'da mipaui susi joo, sanga tomatampo kamu' na tossanga kamu' kalemi. Ia to sipa' susi joo te'da namelo.

Yosua 7:21

Ia to ewanan dirampa, den baju lando liwa' melo panggaraganna to-Babilonia, den too pera' agi-agi dua kilo na sangbatang bulawan la'bih sitangnga kilo. Gaja kukadoangngii, angkualai, kukalii to litak llan tendaku' kunii mbunii. Kupajiong laloi liu to pera'.”

1 Petrus 1:14

Napuanakmo kamu' Puang Allataala. Iamo joo la da'tan kamu' mengkaturu' lako kale-Na, nadanggi'mo mituru' pole' oi to kamadoangan gaja'mi to ngkuasai kamu' tonna te'dapa miissenni to Puang Allataala.

1 Petrus 2:11

Ee, tomala'bihku' to kupakamoja'! Susi kamu' tomambela ratu sompa' lan tee lino natorro susi toratu lan tangnga-tangngana totangnturu' Puang Allataala. Iamo joo meta'da tonganna' lako kamu' kumua, danggi' mituru' bangngi to kamadoangan gaja'mi to tuli hhalangngi kamu' manggauk melo.

2 Petrus 2:10

La'bih-la'bih joo sessa-Na lako tonturu' bang kamadoangan penawanna to ncarepai kalena. Ia tuu lako tau ngkita majiong kuasan-Na Puang Allataala. Na ia tuu lako guru tangtongan liwa' matampo te'da namalaja' tangditampun timunna ncapa'-capa'i to malaeka' mala'bih.

2 Petrus 2:18

Mangkada matampo joo guru tangtongan, apa tangkebattuan to kadanna. Ia to pangngajaranna nneloran bang tau manggauk sala. Na iamo napake ssedei to tomane' messarak jio mai solana to gaja'pa sipa'na namale pole' manggauk sala.