1 Yahya 2:11 - Alkitab Duri

¹¹ Apa tomadosapa to tongkaba'ci padanna tomatappa'. Te'dapa naturu' pakkaeloran-Na Puang Allataala, na te'da too naissenni umbo nanii la mangnguju, nasaba' napabutai kuasa dosa to mata penawanna.

1 Yahya 2:11 ပူးပေါင်းရင်းမြစ်များ

Kada Bulawan 4:19

Apa ia to katuoanna to togaja' butung kamalillinan, te'da nakitai to la mpatitodoi.

Yahya 12:35

Mebalimi Puang Isa nakua, “Cingga'tu'mora tee Aku' arrang ssolan kamu'. Jaji lumingkamo kamu' ke sola unapa kamu' tee arrang, danggi' mikalillinan. Ia to tolumingka lan kamalillinan, te'da naissenni umbora la nanii male.

Yahya 12:40

‘Kupabutai to matanna, kupembattukki to penawanna, nadanggi' napakita matanna, nadanggi' napahangngi, nadanggi' namengkatoba' lako kale-Ku', anna danggi' kupamalagahhi.’ ”

2 Korintus 3:14

Pussakki joo to-Yahudi susi to disamboi tangngahna. Ratu lako too allo da'tanpa susi to nasamboi kaen to tangngahna ke ssa'dingngi atoran agama dibaca, anna te'da napahangngi tujunna. Iapi natitimbak joo kaen, ke memmesa' penawai sola Almaseh.

2 Korintus 4:4

Ia to Ballisi', to ngkuasaii tee lino, iamo ssamboii tangngahna tuu lako tote'da namatappa', anna te'da nakitai to arrangna Kareba Kasalamatan to napupangngarrang kamala'biran-Na Almaseh to sangrupa bang una Puang Allataala.

Titus 3:3

Nasaba' moi kita' tonna jolona bango' tooki', antalao sala, te'da too taturu' Puang Allataala. Napukaunan tooki' mangrupa-rupa kamadoangan sola pakkaeloran penawa. Mpugauk tooki' kagajatan sola masere ati, na massikaba'ci bangki'.

2 Petrus 1:9

Na ia to tote'da namessipa' susi joo padai tobuta, te'da nakita macero, battuananna te'damo naingaranni kumua mangkami didampangan tonna madosa jolona.

1 Yahya 1:6

Ia ke takua kumua mesa' penawamiki' sola Puang Allataala, apa te'da tatuo situru' pakkaeloran-Na, manassa mangnguragaki' sanga te'da taturu' pangngajaran tongan.

1 Yahya 2:10

Ia to tompakamoja' padanna tomatappa', nturu'mo pakkaeloran-Na Puang Allataala, na te'da napugaukki to la mpamapa'dik penawan-Na Puang Allataala.

1 Yahya 2:9

Ia to mangkada kumua, “Nturu'na' pakkaeloran-Na Puang Allataala”, apa ngkaba'ci unapa padanna tomatappa', te'dapa nanturu' pakkaeloran-Na Puang Allataala.

1 Yahya 3:15

Topabuno to tote'da napakamoja' padanna tomatappa'. Miissen kumua ia to topabuno te'da nannampui katuoan melo te'da cappa'na.

1 Yahya 4:20

Pangnguraga to tau ke nakua, “Mpakamoja'na' Puang Allataala”, apa te'da napakamoja' padanna tomatappa'. Nasaba' ia pole'raka la napakamoja' to Puang Allataala to te'da nakitai, na ia to padanna tomatappa' to nakita na te'da napakamoja'i.

Pengkitanna Yahya 3:17

Mangkada kamu' kumua, ‘Sugihna', te'damo apa tangkuampui.’ Apa te'da miissenni kumua kamu'mo tau masussanna, memassean penawa, makario-rio, buta, na mimangkale-kale.