1 Yahya 2:1 - Alkitab Duri

¹ Ee, tokupuanak! Kuukiran kamu' tee kukua nadanggi' mipugauk dosa. Apa ia ke denni tompugauk dosa, denmo to mpangkadananki' jio olo-Na Puang Allataala, Iamo Puang Isa Almaseh to maruruh.

1 Yahya 2:1 ပူးပေါင်းရင်းမြစ်များ

Lukas 10:22

Nakuapa Puang Isa, “Sininna apa naben ngasanmo' Ambe'. Na te'da mesa' tau nnissenni to Anak, saliwanna Ambe'. Te'da too mesa' tau nnissenni to Ambe', saliwanna Aku' Anak, sola ia to tokupueloh kupaissenni.”

Yahya 13:33

Oo anak-Ku' sola ngasan. Te'damo kumasai torro ssolan kamu'. La miangahna', apa susi to mangka kupauan pekaamberan to-Yahudi, na moi kamu' kupauan toomo kumua ia to kunii male, te'da mikullei ratu lako.

Yahya 14:16

La meta'dana' lako Ambe', naparatuan kamu' tomangpakatana, iamo to Roh Allataala, to la torro tarruhmo ssolan kamu'. Iamo la mpamanassan kamu' to pangngajaran tongan. Ia to tote'da namatappa', te'da nakullei ntarimai, nasaba' te'da nakitai na te'da too naissenni. Apa ia to kamu' miissen, sanga nasolan kamu', nalatorro lan penawammi.

Yahya 14:6

Mebalimi Puang Isa nakua, “Aku'mo minii nnissen Puang Allataala sola nnampa' katuoan. Moi mesa' tau te'da nakullei ratu lako Ambe', ke te'dai kupuissenni.

Yahya 21:5

Nakua Puang Isa ngkuanni, “Oo pea, denraka balemi?” Mebalii nakua, “Te'da Kita'!”

Yahya 5:14

Ia tonna sitammu pole' omo lan Bola Puang Allataala nakuamo Puang Isa, “Malagahmoko tuu too, danggi'mo mupugauk pole' dosa anna danggi' mumasessa pole' to la'bih mabanda'.”

Yahya 5:36

Apa den ia la'bih matonggo ntongananna' na ia to kadanna Nabi Yahya. Iamo to jaman napangparentan Ambe' lako Aku' la kumangkai, ia toomo ssa'bii kumua Ambe'-Ku' to ssuana'.

Yahya 6:27

Danggi' mimangjama nnangahhi to kande la cappu' ba'tu buruk. Apa iara miangah to kande te'da nalaburuk, to la mben kamu' katuoan melo te'da cappa'na. Ia joo kande, iamo to la kuben kamu' Aku', Anak Mentolino, sanga mangka napangpeissenan Ambe'-Ku' Puang Allataala kumua natarimana'.”

Yahya 8:11

Mebalimi joo baine nakua, “Te'da Puang.” Nakua omo Puang Isa, “Melomi, moi Aku' te'da too angkulassessako. Malemoko. Mammula tee too, danggi' o mupugauk dosa.”]

Jamanna Rasulu' 7:52

Denraka to nabi tangnasessa? Buda nabi nasua Puang Allataala tonna anu' mpaui to karatuanna Tomalampu'-Na apa nabunoi tojolomi. Na mangten tooki' too allo tapangpejokkoanni antapangpebunoanni.

Roma 5:10

Ia tonna jolona siewaliki' Puang Allataala. Moi nasusi joo, dipasikalino pole'miki' Puang Allataala, sanga kamatean-Na Anak. Apa pole'raka tee too, ke sikalino pole'miki' Puang Allataala, tantumo la dipasalama'miki', nasaba' katuoan-Na Almaseh.

Roma 6:15

Umbomora la takua too? Wa'dingriki'ka mpugauk dosa, nasaba' nakuasaimiki' kameloan penawan-Na Puang Allataala, na te'damo nakuasaiki' atoran agama? Te'da nalasusi joo!

Roma 8:34

Te'da ia tau ngkullei ncallaki', sanga Puang Isa Almaseh la mpangkadananki'. Iamo to mangka mate, natuo pole' na cumadokkomo sola Puang Allataala.

1 Korintus 15:34

Mangngingaran melo kamu', na danggi'mo mipugauk dosa. Sitonganna la mipumasiri' to kumua, denpa tau lan tangnga-tangngami to te'dapa naissen Puang Allataala.

2 Korintus 5:21

Puang Allataala mpabalahhi Almaseh moi na te'da namadosa. Ia ssulleki', nasaba' dosata', anna pupenjaji tomeloki' nasaba' memmesa' penawaki' sola Almaseh.

Galatia 4:19

Ee, anakku'! Mapa'dikna', nasaba' kamu'. Susina' tomangnguriwa' sanggenna pajan to Almaseh lan katuoanmi.

Efesus 2:18

anna la to-Yahudi, la totang-Yahudi wa'dingngi nasolan Roh Allataala lako Ambe', nasaba' Almaseh.

Efesus 4:26

Ia ke mabirih kamu', danggi' mipugauk dosa. Danggi' paratui lako kabuh allo ke mabirih kamu',

1 Timotius 2:5

mesa'ra to Puang Allataala, na mesa' toora tau mpasikalino Puang Allataala na tolino, iamo to Puang Isa Almaseh,

1 Timotius 3:14

Kusanga te'damo namasai kuratu ssikitanko. Apa moi nasusi joo, kuukiran unapoko tee sura',

Ibrani 9:24

Na ia to Almaseh te'da namentama tenda passompan panggaraga tolino to bajo-bajona Tenda-Na Puang Allataala jao suruga. Apa mentamai suruga namangngolo lako Puang Allataala. Jaoi tee too la mpangkadananki'.

Yakub 1:27

Ia to mangngagama tongan situru' pakkaeloran-Na Ambe' Puang Allataala, iamo to ntulung pea biung pu'puhmo, sola baine te'damo muanena nakaasi-asi, na njagai kalena danggi' naturu' panggaukan tangmelona tolino to tangnturu' Puang Allataala.

Yakub 3:9

Ia to timu dipake mangkurru sumanga' lako Ambe'ta' Puang Allataala, apa ia toomo dipake ntampakki ropu padanta' rupa tau to napaden Puang Allataala susi Ia.

1 Petrus 2:22

Te'da lalo napugauk dosa, te'da too naden tau ssa'dingngi kumua mangnguragai.

1 Petrus 3:18

Nasaba' pissenra mate to Almaseh la ndampangan tolino. Ia to Almaseh, to te'da namadosa, namate ssulle tomadosa, dikua misikalino pole' Puang Allataala. Batang kale-Na nabuno tau, apa napatuo pole'i Roh Allataala.

1 Yahya 3:18

Ee, tokupuanak! Danggi' na jio mandara timu, ba'tu kadanta' mandara to pangpakamoja'. Apa nang la mangpakamoja' tonganki', to pajan jio panggaukanta'.

1 Yahya 3:5

Miissen kumua ratumi Puang Isa la ndampangan tolino. Na miissen too kumua tangmadosa to Almaseh.

1 Yahya 3:7

Ee, tokupuanak! Danggi' lalo naden tau mieloran la mpalao sala kamu'. Tomelo to nturu' pakkaeloran-Na Puang Allataala, susi Almaseh.

1 Yahya 4:4

Ee, tokupuanak! Ia to kamu', napuanakmo kamu' Puang Allataala. Mangkamo kamu' ntaloi joo nabi tangtongan, nasaba' la'bih makuasa to Roh Allataala miampui na ia to roh naampui to tonnewa Puang Allataala.

1 Yahya 5:17

Ia ngasan to panggaukan tangmelo disanga dosa, apa den dosa to te'da namparatu pangsessa te'da cappa'na.

1 Yahya 5:21

Ee, tokupuanak! Danggi' misompai to dewata. Padamo jolo' too.

3 Yahya 1:4

Iamo kaminang kupumasannang, ke kusa'dingngi karebanna to kupuanak kumua nturu' ngasan unai pangngajaran-Na Puang Allataala.