1 Yahya 1:3 - Alkitab Duri

³ Ia to apa mangkamo kikita sola kisa'ding, ia toomo kipangpeissenan lako kamu', dikua antamesa' penawa. Na te'da na ia manda joo, apa mesa' penawaki' sola Ambe', Puang Allataala, na Anak, Puang Isa Almaseh.

1 Yahya 1:3 ပူးပေါင်းရင်းမြစ်များ

Yahya 17:11

Na ia tee too la polemo' lako Ambe'. Te'damo kulatorro lan lino, apa lan unapi lino tuu lako taun-Ta'. Oo, Ambe' mala'bih! Kuasan-Ta', to mangka tabenna', nnampaii tuu lako taun-Ta', na memmesa' susi Ambe' na Aku'.

Yahya 17:21

Oo Ambe', meta'dana' ke wa'dingngi anna memmesa' sola ngasanni susi Ambe' na Aku' memmesa', na Aku' memmesa' sola Ambe'. Dennaa upa' namemmesa' sola Ambe', anna matappa' to sininna tolino kumua Ambe' to ssuana'.

Yahya 17:25

Oo Ambe' maruruh! Te'da naissenki' tolino, apa Aku' kuissenki', na naissen ngasan taun-Ta', kumua tasuana'.

Yahya 17:3

Iamo tee to katuoan melo te'da cappa'na, ke naissen tonganmiki' tau kumua Kita'mo Puang Allataala tongan, anna issen toona' kumua Aku'mo Puang Isa Almaseh to mangka tasua.

Yahya 19:35

Ia to tongkitai joo apa jaji, iamo ncuritai, ammimatappa' toda. Na tongan joo kadanna, na naissen kumua tongan to napau.

Jamanna Rasulu' 13:32

Na ia tee kami' kipauanmo kamu' to Kareba Kasalamatan, kumua ia to apa pura nabasse Puang Allataala lako tojolota',

Jamanna Rasulu' 13:41

‘Ee kamu', to tangkasiri' Puang Allataala! Mangpesa'ding melo kamu'! La jangngah kamu' ammisabu', sanga ia tee wattu den apa kupugauk to la te'danna milangkatappa'ii, moi naden tau mpamanassan kamu'.’ ”

Jamanna Rasulu' 2:42

Nalundukki tarruh melajah lako rasulu' to tau. Na tuli sirempun too kumande sola, mpugauk Kakumandean Macero na massambajang.

Jamanna Rasulu' 20:27

Kupamanassanmo kamu' sininna to pakkaeloran-Na Puang Allataala.

Jamanna Rasulu' 4:20

Ia ke kami', te'da kilantorroii mpaui apa to mangkamo kikita sola kisa'ding.”

Roma 15:27

Canning atinna sola ngasan ssituru'ii mpugaukki joo. Sipato'nami la ntulung tokaasi-asi jio kota Yerusalem, nasaba' ia to bangsa tangngia to-Yahudi ntarimamo barakka'na to-Yahudi. Iamo joo nasipato' ntulung to-Yahudi mpake barakka' ewanan.

1 Korintus 1:30

Menjajimo kamu' umma'-Na Puang Isa Almaseh, nasaba' Puang Allataalara. Iamo ssua Puang Isa la mpasalama' kamu', napupenjaji kamu' tomacca, tomelo, napatorro leko' kamu' jio mai to totangnturu' Puang, nala'bak kamu' jio mai kuasa dosa.

1 Korintus 1:9

Ia to Puang Allataala sipato' dikatappa'i. Iamo mpilei kamu' ammimesa' penawa sola Anak Allataala, Puangta' Puang Isa Almaseh.

1 Korintus 15:1

Ee, tomala'bihku' sola ngasan! Sitarruhna, la kupangngingaran pole' kamu' to Kareba Kasalamatan to mangka kuajaran kamu'. Mangkamo kamu' ntarimai, mimatappa' tongan lako Almaseh situru' joo Kareba Kasalamatan.

Efesus 3:6

Na ia joo akkatta-Na kumua ia to bangsa tangngia to-Yahudi la ntarima toda barakka'-Na Puang Allataala sola to-Yahudi, na la menjaji susi mesa' kale sola to-Yahudi, anna wa'ding toda la ntarimai to apa nabasse Puang Allataala lako to-Yahudi. Ia tee jaji, nasaba' kamatapparanna bangsa tangngia to-Yahudi lako Puang Isa Almaseh tonna sa'dingmo Kareba Kasalamatan.

Filipi 1:7

Sipato'na' mangpikkiri' susi joo, nasaba' kupakamoja' kamu' na mituru' toomi to jaman mangka dipabarakkananna', la lanna' pangtarungkuan, la ia ke mpangpeissenanna' Kareba Kasalamatan iarika mpamanassai kumua tongan joo Kareba.

Filipi 2:1

Mangkami Almaseh mpamasumanga' kamu', na ia to pangpakamoja'-Na mpamasannangmo kamu', na Roh Allataala mpamesa' penawamo kamu', ammisipakamoja', misikamasean.

Filipi 3:10

Ia to gaja kukadoangngi iamo to nnissen Almaseh, sola mperasaii to kuasa mpatuo pole'i jio mai kamatean. Madoang toona' mperasai parri' sola kamatean susi to naperasai Almaseh,

Kolose 1:13

Ia toomo mangka lla'paranki' jio mai kuasanna Ballisi' napupenjajimiki' taun-Na lan kaparentan-Na Anak to nakamasei.

1 Tesalonika 1:10

Nacurita toopa kumua mitajan tongan to karatuan-Na pole' Anak Allataala jao mai suruga, iamo to Puang Isa to mangka napatuo pole' Puang Allataala jio mai kamatean. Puang Isamo la mpasalama'ki' jio mai pangsessa-Na Puang Allataala keanu'.

1 Timotius 6:2

Ia to kaunan matappa' na tomatappa' toda to puangna, danggi' nasangai kumua ia to puangna te'da naparallu nakasiri' nasaba' pada tomatappa'i. Sibalikanna la la'bih napemeloiri to pangjamanna lako, nasaba' ia joo puangna napangjaman pada tomatappa'i na pada dipakamoja' tooi. La mupangpangngajaran ngasan tee, mupake tooi mpangngingaran tau.

Ibrani 2:12

Nakua Puang Isa lako Puang Allataala, “La kupangpeissenanko lako sile'to-Ku', la kupujiko lan tangnga-tangngana umma'-Mu.”

Ibrani 3:1

Ee, todipusile'to padangku' tomatappa' to mangkamo napilei Puang Allataala la mentama suruga! Ingaran meloi to sipa'-Na Puang Isa to takatappa'i, to napattantu Puang Allataala menjaji Rasulu' na Imang Lompo lan agamanta'.

Ibrani 3:14

Sanga kita' ngasanmo nnampa' barakka' jio mai Almaseh, ke matappa' tarruhki' susi tontamane' matappa' ratu lako ssalainta' lino.

1 Petrus 5:1

Kupakainga'i to pekaamberan jamaa lan tangnga-tangngami. Kupauan kamu' tee sanga mesa' todana' pekaamberan jamaa susi kamu', na mangkamo kukita to kamaparrisan-Na Almaseh, na la kuperasai too to kamala'biran-Na Almaseh to la napangpekitan Puang Allataala lako sininna tau keanu'. Kupakainga' tongan kamu',

2 Petrus 1:16

Ia tongkipangpeissenanni lako kamu' kumua la napangpekitan Puangta' Puang Isa Almaseh to kuasan-Na ke ratu pole'i, ia joo kipau tangngia curita nagaraga bangra tolino susi curita tangkebattuan. Kiissen joo, sanga ia to kamala'biran-Na mangkamo kami' kikita.

1 Yahya 1:1

Ia to issinna tee sura', iamo Kada to mangpatuo. Ia joo Kada mangpatuo denmo mammula jiona mai na mangkamo kisa'ding, na kikitamo, na kitoe toomo.

1 Yahya 1:5

Iamo tee kareba to mangka kisa'ding jio mai Puang Isa to kipangpeissenan lako kamu' kumua Arrang to Puang Allataala, battuananna te'da lalo kasalan napugauk.

1 Yahya 1:7

Apa ia ke tuoki' situru' pakkaeloran-Na Puang Allataala, mesa' penawamiki' sola padanta' tomatappa', anna ia to rara-Na Puang Isa, Anak Allataala, mpemaceroiki' jio mai sininna dosata'.