1 Timotius 6:3 - Alkitab Duri

³ Ia to tompangpangngajaran pangngajaran laen na ia to mangka kubenko, te'da naturu'i to pangngajaran tongan jio mai Puangta' Puang Isa Almaseh na pangngajaran agamanta'.

1 Timotius 6:3 ပူးပေါင်းရင်းမြစ်များ

Kada Bulawan 15:4

Ia to kada tangkebuku mepamasumanga', apa ia to kada pangnguraga mepa'dikan penawa.

Matius 22:21

Mebalimi nakua, “Tomaraja Roma.” Nakuamo Puang Isa, “Ia ke susii tuu, benni Tomaraja to apanna, mibenni Puang Allataala to apan-Na!”

Matius 28:20

Ajahhii anna pugaukki sininna to apa mangka kuparentan kamu'! Ingaranni kumua, la kusolan tarruh kamu' ratu lako tampakkana lino.”

Roma 16:17

Ee, tokupusile'to! Kupakainga' kamu', majaga kamu' lako to mpaden bang kasisakkan, na mpaputta kamatapparan lako Puang Allataala. Ia to pangngajaranna sisala to pura diajaran kamu'. Danggi' misiama'.

1 Timotius 1:10

lako tomanggauk sala, tosigauk sala padanna muane ba'tu padanna baine, torrampa tau, topangnguraga, sa'bi tangtongan, na lako ia to tompugauk to tangsituru' pangngajaran tongan.

1 Timotius 1:3

Susi to mangka kupauanko tongkulamale lako propinsi Makedonia kupangngingaranko kumua madoangna' ke torro tarruhko jio kota Efesus ammuanggaii to tau jio to mangpangngajah sala na

1 Timotius 1:6

Ia to tomangpangngajah sala te'damo nakatappa'i to pangngajaran tongan, namale bangmira ssite'gehhi to apa te'da battuananna.

2 Timotius 1:13

La mupangpangngajaran to pangngajaran tongan to mangka kuajaranko, mutatta' too matappa' sola mangpakamoja', nasaba' mesa' penawamoko sola Puang Isa Almaseh.

2 Timotius 4:3

Nasaba' la den wattunna nate'damo namadoang to tau mpesa'dingngi pangngajaran tongan. Sibalikanna rrempunri buda guru naajahhii to apa napumasannang penawanna, anna wa'ding nturu'i bang kamadoangan gaja'na.

Titus 1:1

Ee, Titus to kupuanak! Aku', Paulus, mesa'na' taun-Na Puang Allataala na rasulu'-Na Puang Isa Almaseh ngkiringanko tee sura'. Dipileina' angkuajahhi to tonapilei Puang Allataala, namatappa' tongan. Dipilei toona' mpatuju ngasanni, anna issenni to pangngajaran tongan, natuo situru' pakkaeloran-Na Puang,

Titus 1:9

Parallu nturu' pangngajaran tongan, to mangka diajaranni na nakatappa'imo. Ianna susi joo, wa'dingngi mpamasumanga' tau ke mpangpangngajaranni pangngajaran tongan, na wa'ding too mpauan salana tau to mbali-balii joo pangngajaran.

Titus 3:8

Tongan tee kada mangka kupau. Madoangna' ammupangpangngajaran tonganni sininna joo, dikua anna ia to tomatappa'mo lako Puang Allataala natongan-tongannii mpugaukki to panggaukan melo na den bua'na lako tobuda.