1 Timotius 4:4 - Alkitab Duri

⁴ Melo ngasan to napaden Puang Allataala, na moi mesa' te'da to diharangan dikande, ke mangkurru sumanga'ki' ntarimai.

1 Timotius 4:4 ပူးပေါင်းရင်းမြစ်များ

Jamanna Rasulu' 10:15

Apa ssa'ding pole' omi gamara ngkuanni, “Apa to pura nahallalasan Puang Allataala, danggi' muharanganni.”

Jamanna Rasulu' 15:29

Iamo joo danggi' mikandei to kande diharangan, moda', rara na kande mangka dipassompan lako dewata, iarika danggi' mimanggauk sala. Ianna te'damo mimanggauk susi joo, battuananna manggauk melomo kamu'. Anggemi ntee, pada salama'ki'!”

Jamanna Rasulu' 21:25

Apa ia to tomatappa' lako Puang Isa to bangsa tangngia to-Yahudi, mangkamo kikiringan sura' mpauanni to kara'tasanki' kumua, te'da nawa'ding ngkandei to kande dipangngolo lako dewata, te'da nawa'ding ngkande rara, ba'tu ngkande moda' na te'da too nawa'ding manggauk sala.”

Roma 14:14

Kukanassai, nasaba' memmesa' penawamo' sola Puang Isa, kumua sitonganna te'da ia kande harang, apa ia takua kita' lan penawanta' harang, tantu harang lako kaleta'.

Roma 14:20

Danggi' migaja'-gaja'i to mangkamo napugauk Puang Allataala lako padammi tomatappa', sanga kande. Sininna kande hallala' ngasan dikande, apa mipusala, ke mikandei na pumadosai tau laen.

Roma 14:6

Nasaba' ia to mpahangngi kumua den allo la'bih melo na ia to allo laenna, napugaukki susi joo anna pakala'bih Puang Allataala. Na ia to tote'da apa tangnakande, napugaukki susi joo anna pakala'bih Puang, nasaba' mangkurru sumanga' lakoi Puang Allataala. Ia to tomattantu kandena napugauk too susi joo.

1 Korintus 10:23

Den tau nakua, wa'ding ngasan dipugauk to sininna apa. Apa ianna aku' kukua te'da na ia ngasan bang den bua'na. Jaji, moi na hallala' ngasan to apa, te'da na ia ngasan mpamawatang tomatappa'.

1 Korintus 10:25

Wa'ding mikande to sininna juku' dibaluk jio pasa'. Danggi'mo milamparessa opi jolo' kumua mangkaraka dipassompan lako dewata iarika te'da. Ia to penawammi danggi' nasitawa-tawa ngkandei joo juku'.

1 Korintus 10:26

Nasaba' den diuki' lan Sura' Allataala kumua, “Apan-Na Puang Allataala tee lino na sininna issinna.”

1 Korintus 10:30

Ia ke mangkurru sumanga'na' lako Puang Allataala kumane' ngkandei joo juku', ia to tau laen te'da nawa'ding mpasalana'.”

1 Timotius 4:3

Mangngajahhii tuu lako tau kumua, danggi' nakebaine ba'tu kemuane to tau. Den too kande mattantumo napemalian nakande. Nasitonganna ia joo kande napaden Puang Allataala la dikande, anna ia to tomatappa'mo na nnissen toomo pangngajaran tongan mangkurru sumanga' ngkandei.