1 Timotius 4:2 - Alkitab Duri

² Ia joo pangngajaran napangpangngajaran tomajekkong sola tomangnguraga, to nnissen umbonna to melo ba'tu gaja', apa te'da napugaukki.

1 Timotius 4:2 ပူးပေါင်းရင်းမြစ်များ

Matius 24:24

Nasaba' buda nabi tangtongan sola tossanga kalena tomangpasalama' la mpangpekitan kalena. La mpugauk mangrupa-rupa tanda mejangngaran sola panggaukan mekalajatan, la mpalao sala tau, na ke wa'dingngi moi too umma'-Na Puang Allataala.

Matius 7:15

Mangpakainga'mi Puang Isa nakua, “Majaga melo kamu' lako nabi tangtongan, to mentama tangnga-tangngami mangmalamma-lamma susi bembala', apa sitonganna susi asu lampung penawanna.

Jamanna Rasulu' 20:30

Na den too kamu' lan mai tangnga-tangngami la mpangpeissenan kareba tangtongan. Ia napugaukki susi joo la mpalao salari to tomatappa'mo lako Puang Isa nakua anna ia naturu'.

Roma 1:28

Napupangngelohnai Puang Allataala to tolino mangpikkiri' gaja', anna pugaukki to tangsipato'na, nasaba' nasangai kumua te'damo naparallu nnissen Puang Allataala.

Roma 16:18

Ia to tosusi joo te'da namengkaunan lako Almaseh Puangta', apa naniiri ia mpemasannangngi penawanna. Melo bang to kadanna to la nanii nnuraga tomaruruh kaju dalle.

Efesus 4:14

Te'damo tasusi tontamane' matappa' napamale melako mangrupa-rupa pangngajaranna tokalasi, to madoang mpalao sala ba'tu nnuragaki'.

Efesus 4:19

Te'da namasiri', anna kamadoangan gaja'na bangra naturu', nampugauk mangrupa-rupa panggaukan to tangsipato'na.

2 Timotius 3:5

Ianna dikita ssompa ia Puang Allataala, apa sitonganna te'da naeloran kuasan-Na Roh Allataala ssulleii to sipa'na. Danggi' musiama' to tau susi joo.

Pengkitanna Yahya 16:14

Ia tuu lako setang mpugauk tanda mejangngaran. Namale lako sininna raja lan lino narempunni nasirari Puang Allataala ke Kiama'mi lino ba'tu allo mala'bih-Na Puang Allataala to matonggo kuasanna.