1 Timotius 3:2 - Alkitab Duri

² Ia to tonnatoro' jamaa parallu tomakassing. La mesa'ra bainena, to nta'tan kalena, tomandalan tangngah, messipa' melo. La masannang ke den tau lleppangngii, macca mangngajahhi,

1 Timotius 3:2 ပူးပေါင်းရင်းမြစ်များ

Lukas 1:6

Ia to sipa'na sola dua napumasannang Puang Allataala, na naturu'i ngasan to parenta-Na na atoran-Na Puang Allataala.

Lukas 2:36

Den omi nabi baine to gaja tuamo, disanga Hana, anakkana Fanuel, jio mai pangrapuanna Asyer. Pitung taunni mangkanna botting,

Roma 12:13

Parallu kamu' ntulungngi ke denni kaparalluanna padammi tomatappa', mitarima meloi lan bolami, moi na te'dapa misiissen.

Filipi 2:15

dikua namanassa lako tolino to tangmaruruh na togaja', kumua tomelo kamu' mimaruruh na te'da caccami, apa taun-Namo kamu' Puang Allataala. Miarrangngii to tolino to tangnturu' Puang Allataala susi arrang lako tosala lalan,

1 Timotius 3:12

Ia to muane menjaji tomangjama ntulung jamaa, la mesa'ra bainena, na macca nnurusu' anakkana sintong repokkona.

1 Timotius 3:8

Ia to tontulung jamaa parallu messipa' melo, te'da namangkada tangtongan, te'da napangngiso', na te'da too napangdoi'.

1 Timotius 4:3

Mangngajahhii tuu lako tau kumua, danggi' nakebaine ba'tu kemuane to tau. Den too kande mattantumo napemalian nakande. Nasitonganna ia joo kande napaden Puang Allataala la dikande, anna ia to tomatappa'mo na nnissen toomo pangngajaran tongan mangkurru sumanga' ngkandei.

1 Timotius 5:10

kaissenan kumua melo panggaukanna, susinna njampang melo anakkana, masannang ke den tau leppangngii, mbalii tomatappa', ntulung tomasussa, na tuli mpugauk kamakassingan laennapa.

1 Timotius 5:22

Danggi' mumarawa bang nnangka' tau menjaji pekaamberan jamaa, sanga ianna sala undinna padai to iko sala. Danggi' naden caccamu.

1 Timotius 5:9

Ia to baine wa'ding diuki' sanganna tama sura' baine te'damo muanena, iamo to kaminang majiongna annan pulona taunna, na pissenra kemuane,

2 Timotius 2:24

Ia to tau mpangjaman Puang Allataala tangsipato' massipekka, apa la mangkada melo lako sininna rupa tau, macca mangngajahhi na sabbara',

Titus 2:2

Pakainga'i to tomatua muane, anna ta'tan kalena, mandalan tangngah, na tomelo anna sipato' dikasiri'. La matappa'i lako Puang Isa Almaseh, mpakamoja' padanna rupa tau, sabbara' ke maparri'i.

Ibrani 13:2

Mabassa kamu' mpaleppangngi lan bolami to tote'dapa miissenni, sanga te'da miissenni tauraka ba'tu malaeka'raka joo tau. Denmo tau ntoratu malaeka', to nasangari tau biasa bang, apa malaeka' ia.

Ibrani 3:14

Sanga kita' ngasanmo nnampa' barakka' jio mai Almaseh, ke matappa' tarruhki' susi tontamane' matappa' ratu lako ssalainta' lino.

1 Petrus 4:7

La ndete'mi tampakkana tee lino na sininna apa. Iamo joo la mita'tan to kalemi, na majaga too kamu' ammitatta' massambajang susi to sipato'na.

1 Petrus 4:9

Tarima meloi to padammi tomatappa' jio bolami, danggi' mimangnuku-nuku.

1 Petrus 5:8

La sadia kamu', ammimajaga! Nasaba' ia to ewalimmi Ballisi' susi bang singa lumingka male lako male jio mai, namangngaung-ngaung nnangahhi to la nakandena.