1 Timotius 2:2 - Alkitab Duri

² sininna raja na sininna tomatonggo lako Puang Allataala. Pugaukki susi joo antatuo masannang sola manyaman, na te'da apa hhalangngiki' ssompa Puang Allataala antamessipa' melo too lako padanta' rupa tau.

1 Timotius 2:2 ပူးပေါင်းရင်းမြစ်များ

Kada Bulawan 24:21

Ee anakku', ngkalaja' ngkasiri'ko Puang Allataala na raja. Danggi' mukaturu'-turu' lako tonnewa Puang Allataala sola raja.

Lukas 1:6

Ia to sipa'na sola dua napumasannang Puang Allataala, na naturu'i ngasan to parenta-Na na atoran-Na Puang Allataala.

Lukas 2:25

Ia joo wattu, den tau disanga Simeon torro jio kota Yerusalem. Tomelo penawa joo tau na ngkasiri' Puang Allataala, ntajan bang wattunna Puang Allataala la mpasalama' to-Israel. Nakuasai bang Roh Allataala.

Jamanna Rasulu' 10:22

Nakua mebali, “Nasuakan Kamandang Kornelius ratu inde'. Ia mesa' tomelo, to ssompa Puang Allataala, nakasiri' sininna to-Yahudi. Mangka nasua malaeka'-Na Puang Allataala mpeta'dako male lako bolana, dikua nasa'dingngi apa to la mupauanni.”

Jamanna Rasulu' 24:16

Iamo joo kutuli mpengkulle-kullei tonganni manggauk melo la lako padangku' rupa tau, la lako Puang Allataala. Susiri joo to tonganna.

Roma 12:18

Pengkulleii, ke wa'dingngi, misikalino ngasan tau.

Filipi 4:8

Ee, tomala'bihku' sola ngasan! Mangkatampakanna, la mipallan penawai sininna to pangngajaran tongan, sininna to mala'bih, sininna to maruruhna, sininna to tangkasalan, sininna to maballona, sininna to melona disa'ding, to mangpamasannang sola sipato'na dipuji.

1 Tesalonika 4:11

Pengkulle-kulleii ammituo rapa', nadanggi' miurusu'i to jamanna tolaen. Angahhi to kaparalluanmi susi to mangka kipangparentan lako kamu' jolona.

Ibrani 12:14

Mipengkulle-kullei sikalino ngasan tau. Mipengkulle-kullei tooi mpupengkaunan kalemi lako Puang Allataala, sanga ia ke te'da nasusi joo to sipa'mi, te'da mikullei ngkita Puang.