1 Timotius 1:9 - Alkitab Duri

⁹ Parallu diingaran kumua, ia joo atoran dipaden tangngia lako tomelo, apa lakori togaja' iarika totangmangpesa'ding, lako totangnturu' Puang iarika tomadosa, lako totangssompa iarika totangkasiri' Puang, lako tombuno indona iarika ambe'na, na sininna to mbuno padanna rupa tau,

1 Timotius 1:9 ပူးပေါင်းရင်းမြစ်များ

Kada Bulawan 20:20

Inda-inda ntangdoi tomatuanna, la lanynya' na te'damo dikita, susi palita la bosi ke tangngai bongi.

Kada Bulawan 28:17

Danggi' lendungngii to topapatean. Ake' na ratu lako matena susi to diula' tarruh bang.

Kada Bulawan 28:24

Ia to torrampai tomatuanna, namangkada kumua tangngia panggaukan gaja' to napugauk, pada unai parampo'.

Kada Bulawan 30:11

Den tau ntangdoi ambe'na sola tangnnangga' indona.

Kada Bulawan 30:17

Ia to toncapa' ambe'na ba'tu cia' mpesa'dingngi indona, la natittoi kaok to matanna nakandei langkan to batang rabukkuna.

Matius 10:21

La nakaba'ci kamu' buda tau, nasaba' mikatappa'ina'. Na la jaji susi tee, tomassile'to mpangpebunoan sile'tona. Susi toda ambe' lako anakkana. Anak nnewa tomatuanna, napangpebunoanni. Apa ia to tomatappa' tarruh ratu lako ssalainna lino la dipasalama'.

Roma 1:30

mpau sala tau, majao penawa, tangmessipa', ngkaba'ci Puang Allataala, buda kada. Nnangah bang lalan la mpugauk kagajatan, nnewa tomatuanna,

Roma 4:13

Ia to Nabi Ibrahim sola bati'na nabasse Puang Allataala la nnampui tee lino, tangngia nasaba' Nabi Ibrahim mpugauk atoran agama, apa nasaba' matappa'i anna dipupenjaji tomelo.

Roma 5:20

Ia to atoranna Nabi Musa nabenni Puang Allataala, dikua namanassa kumua madosa to tolino. Sanapengkulleinna tolino nturu'i to atoran, sabuda-budanna to dosa napugauk. Apa moi sabuda-budanna dosana to tolino, samelo-melona penawan-Na Puang Allataala lako tolino.

Roma 6:14

Te'damo miwa'ding napukaunan kuasa dosa, sanga te'damo nakuasai kamu' atoranna Nabi Musa, apa tuomo kamu' situru' kameloan penawan-Na Puang Allataala.

Galatia 3:19

Na ia ke susii joo apara patunna nadipaden to atoran agama? Ia una nadipaden undi ia na basse, dikua anna pajan dosana to tolino. Ia to atoran agama dipake angge ratunna bati'na Nabi Ibrahim to mangka nabasse Puang Allataala lako Nabi Ibrahim. Ia to atoran agama naparatu malaeka' lako mesa' passumbungan kada.

Galatia 5:18

Apa ia ke nasolan kamu' Roh Allataala, te'damo napukaunan kamu' atoran agama.

Galatia 5:21

masere ati, pangmalangoan, takkaliwa' mangmaroah-roah na budapa to susinna joo. Ia ngasan to panggaukan susi joo kupakainga' kamu' susi to kupauan kamu' tonna tee, kumua ia to tompugaukki to susi joo, te'da namenjaji umma'-Na Puang Allataala.

Galatia 5:23

mpamajiong penawa, mparenta kalena. Te'da ia atoran agama nnanggaii to panggaukan susi joo.

2 Tesalonika 2:8

mane'ri pajan. Apa ia ke ratu pole'mi Puang Isa, la nasuei joo Togaja' mpake kuasa mala'bih-Na arannai mate.

1 Timotius 4:7

Danggi' mumatean wattu lako curita tojolo to tangkebattuan na tangdiangga' too to Puang Allataala, apa la tatta'ko mpangben kalemu lako Puang Allataala.

1 Timotius 6:20

Ee, Timotius! La mujagai melo to pangngajaran napabarakkananko Puang Allataala. Danggi' mumatean wattu lako curita tangkebattuanna to tangkasiri' Puang Allataala, mupasalai tooi penawa to kasite'geran te'da bua'na, to nasanga tau kamaccan apa sitonganna tangngia.

2 Timotius 2:16

Danggi' mumatean wattu lako curita tangkebattuanna to tangkasiri' Puang Allataala. Nasaba' ia to tomangcurita susi joo sagaja'-gaja'na.

2 Timotius 3:2

Tangsiissenanmo to tau, doi' mandamo napikkiri', namatampo. Nakabudai ncapa' tau, nnewa tomatuanna, tangnaissen to penawa melo na tangkasiri' Puang Allataala.

Titus 1:10

Parallu susi joo, nasaba' budamo tau tangmangpesa'ding, la'bih pole'pa to tau jolona mangngagama Yahudi. Ia tuu lako tau mangkada tangkebattuan na mpalao sala tau laen.

Titus 1:16

Mangngakui kumua nnissen Puang Allataala, apa sitonganna diissen kumua mangnguragai nasaba' te'da naturu' pakkaeloran-Na Puang. Meko'dosan na cia'i nturu' Puang. Te'da bang nakullei mpugaukki to disanga melo.

Titus 1:6

ia to tau la menjaji pekaamberan, iamo to tomakassing, mesa'ra bainena, na ia to anakkana tomatappa' ngasanmo lako Puang Isa, te'da natangmangpesa'ding ba'tu diparapa' mpugauk sala.

Titus 3:3

Nasaba' moi kita' tonna jolona bango' tooki', antalao sala, te'da too taturu' Puang Allataala. Napukaunan tooki' mangrupa-rupa kamadoangan sola pakkaeloran penawa. Mpugauk tooki' kagajatan sola masere ati, na massikaba'ci bangki'.

Ibrani 11:31

Na ia joo mesa' baine bandarang disanga Rahab, te'da nadibuno susi to padanna to-Yerikho to nnewa Puang Allataala, sanga matappa'i. Nasaba' ia tonna ratu ba'tu pira-pira to to-Israel mmata-matai kota Yerikho, masannangngi ntarimai jio bolana.

Ibrani 12:16

Ingaranni danggi' naden tau manggauk sala ba'tu te'da naangga'i to barakka'-Na Puang Allataala susi to napugauk Esau. Ia joo barakka' lako mesa' anak pamungah nabaluk lako adinna sangpiring nande.

1 Petrus 2:7

Gaja keangga' joo batu lako kamu' to tomatappa'. Apa ia to totangmatappa' napatu to diuki' lan Sura' Allataala kumua, “Ia to batu naca'bean pande bola, menjajimo batu ariri petuo.”

1 Petrus 3:20

Ditarungkui sanga cia'i matappa' lako Puang Allataala tonna tuo unapa Nabi Nuh tonna anu'. Sabbara'i Puang Allataala ntajanni to kamengkatobaranna, samangkanna Nabi Nuh nggaraga kappala'. Ia mandara napasalama' Puang Allataala to tau karua lan joo kappala' tonna wai saba' tonggo.

1 Petrus 4:18

Den diuki' lan Sura' Allataala kumua, “Ia ke masussai dipasalama' to tomelo, apa pole'pa la jaji lako to tomadosa, to cia' mpesa'dingngi Puang!”

Yudas 1:15

La ratui rra'tah kara-karana sininna tolino. La nacallai to togaja' nasaba' panggaukan gaja'na sola pangcapa'na lako Puang.”

Pengkitanna Yahya 21:8

Apa ia to tolanjangan, tomboko'i Puang Isa, totangmessipa', topabuno, tomanggauk sala, tomangpatama-tama, tossompa dewata, na sininna tomangnguraga la dipenca'beanni tama api colo' manglanya-lanya. Iamo kamatean mangpenduan.”

Pengkitanna Yahya 22:15

Apa ia to tau mpugauk bangngi to panggaukan gaja', susinna topangkita-kita, tomanggauk sala, topabuno, tossompa dewata, topangnguraga la kadanna, la panggaukanna, ia ngasan tee tau la saleanan jio mai joo kota.