1 Timotius 1:3 - Alkitab Duri

³ Susi to mangka kupauanko tongkulamale lako propinsi Makedonia kupangngingaranko kumua madoangna' ke torro tarruhko jio kota Efesus ammuanggaii to tau jio to mangpangngajah sala na

1 Timotius 1:3 ပူးပေါင်းရင်းမြစ်များ

Jamanna Rasulu' 18:19

Ia tonna ratu lako kota Efesus, torromi Priskila sola Akwila jio, namale Paulus la mpatarruh kalingkanna. Apa liupi jolo' jio bola passambajangan sipangkada-kada to-Yahudi.

Jamanna Rasulu' 18:21

Apa moi nasusi joo, ia tonna la mangnguju lako tana Siria mpatorroi pepasan nakua, “Ianna puelohhi Puang Allataala, la ratu unapa'.” Mangkanna napau susi joo, malemi mangkappala' jio mai kota Efesus.

Roma 15:26

Sanga situjumi to jamaa jio tana Makedonia sola Akhaya rrempunanni doi' to tokaasi-asi jio kota Yerusalem to matappa'mo.

Roma 16:17

Ee, tokupusile'to! Kupakainga' kamu', majaga kamu' lako to mpaden bang kasisakkan, na mpaputta kamatapparan lako Puang Allataala. Ia to pangngajaranna sisala to pura diajaran kamu'. Danggi' misiama'.

2 Korintus 11:4

Nasaba' susi to kumua masannang bang kamu' ntarimai to tomale mati' nakua kumua la naajahhi kamu' karebanna Puang Isa na Kareba Kasalamatan, apa sitonganna gaja silaenan na ia to mangka kiajaran kamu'. Na susi too kumua madoang bang too kamu' ntarima roh to gaja silaenan Roh Allataala to mangkamo mitarima.

Efesus 4:14

Te'damo tasusi tontamane' matappa' napamale melako mangrupa-rupa pangngajaranna tokalasi, to madoang mpalao sala ba'tu nnuragaki'.

Filipi 2:24

Apa kurannuan kumua la naeloranna' Puang Allataala kumadoi' toda male mati'.

1 Timotius 4:11

La mupangpangngajaran ngasan joo, ammukuanni to tau naturu' tonganni.

1 Timotius 4:6

Ia ammutuli mpangpangngajaran ngasanni joo lako sininna padanta' tomatappa', manassamoko menjaji tomangjama melo-Na Puang Isa Almaseh, ammumatappa' tongan-tongan too, nasaba' tatta'ko mpelajahhi kadan-Na Puang Allataala sola pangngajaran tongan to muturu'mo mammula biccu'mu.

1 Timotius 5:7

Pauanni tee pangpakainga', dikua danggi' naden caccana.

1 Timotius 6:10

Nasaba' kamacinnan lako doi' mpaden mangrupa-rupa kagajatan. Den to tau mentangmatappa' pole'mo lako Puang Isa Almaseh, nasaba' male bangngi nnangah doi', apa undinna melliwa' pa'dik penawari.

1 Timotius 6:17

La mupangngingaran to tosugih lan tee lino, danggi' namabangka', danggi' napattuan kalena lako kasugiranna to la cappu', apa la mangpattuan lakori Puang Allataala to la mbenki' sininna taparalluinna antapakei masannang.

1 Timotius 6:3

Ia to tompangpangngajaran pangngajaran laen na ia to mangka kubenko, te'da naturu'i to pangngajaran tongan jio mai Puangta' Puang Isa Almaseh na pangngajaran agamanta'.

2 Timotius 1:18

Na muissen kumua budamo pangtulungna lako kaleku' tongkujio kota Efesus. Dennaa upa' napakitanni Puang kameloan penawan-Na, ke nadete'mi wattunna Puang Allataala rra'tah kara-karana sininna rupa tau.

2 Yahya 1:7

Buda tompalao sala tau male bang llelei tondok. Ia tuu lako tau te'da naakuii kumua mentolinomo to Puang Isa. Ia to mangkada susi joo, tompalao sala tau na tonnewa Almaseh.

Pengkitanna Yahya 2:14

Apa moi nasusi joo, den unapa tangkupumasannang lako kamu'. Den kamu' ba'tu pira-pira tonturu' pangngajaranna Bileam to nnajahhi Balak mpalao sala to-Israel nakandei to apa mangka dipassompan lako dewata, napugauk tooi to gauk mesirisan.

Pengkitanna Yahya 2:20

Apa den unapa to tangkupumasannang lako kamu'. Mieloran Isebel to baine ssanga kalena nabi mangngajahhi. Ia joo pangngajahna budamo taung-Ku' napalao sala arannai manggauk sala, nakandei to apa mangka dipassompan lako dewata.