1 Korintus 7:34 - Alkitab Duri

³⁴ naarannai sitawa-tawa to penawanna. Ia to baine te'damo muanena sola to ana'dara Puang manda napikkiri', nasaba' madoangngi mpassompan kalena lako Puang. Apa ia to baine kemuanemo mpangmesa lakomo apa lan tee lino to penawanna, nasaba' madoangngi mpamasannang muanena.

1 Korintus 7:34 ပူးပေါင်းရင်းမြစ်များ

1 Korintus 6:20

Mangkamo kamu' naalli putta Puang Allataala. Iamo joo pake meloi to batang kalemi, anna pakala'bihhi tau to Puang Allataala.

Filipi 1:20

Ia to kukadoangngi sola kurannuan, iamo to kumua te'da lalo kuladipakasiri', apa la barani tonganna' mpebalian Kareba Kasalamatan tee too, susi biasanna. Na ia ke susii joo, la dipakala'bih to Almaseh, nasaba' pebalingku', la tuoku', la mateku'.

2 Korintus 11:28

Te'da na ia manda joo, apa allo-allona' ngkagiangan sininna jamaa.

Roma 6:13

Danggi' toomo mieloranni to batang kalemi la mpugauk kagajatan. Apa la miben Puang Allataala to batang kalemi, to butung matemo napatuo pole'i Puang tee too. Benni Puang Allataala to batang kalemi, anna pakei situru' pakkaeloran-Na.

Titus 3:8

Tongan tee kada mangka kupau. Madoangna' ammupangpangngajaran tonganni sininna joo, dikua anna ia to tomatappa'mo lako Puang Allataala natongan-tongannii mpugaukki to panggaukan melo na den bua'na lako tobuda.

1 Tesalonika 5:23

Dennaa upa' na Puang Allataala, to mpangbengan kamasannangan, mpupenjaji kamu' tau mesan-Na, na dennaa upa' na Ia njagai to penawammi, tangngahmi, na panggaukanmi nadanggi' mikasalan nate'da caccami, ke ratu pole'i Puangta' Puang Isa Almaseh.

2 Korintus 8:16

Gaja mangkurru sumanga'kan lako Puang Allataala, nasaba' napamasumanga'i to Titus susi kami' ntulung kamu'!

1 Timotius 3:5

Nasaba' ia ke tangnaissenni nnurusu' repokkona, umbo nakua la nnurusu' jamaa-Na Puang Allataala?

Yahya 10:13

Palaii joo todipagajira, sanga doi'ra ia to naangah. Te'da na ia naparinawai to bembala'.

1 Korintus 7:33

Apa ia to tokebainemo, ia to apa lan lino napikkiri', susinna umbo nakua la mpamasannang bainena,

1 Korintus 7:35

Iamo kuuki' ngasanni tee, sanga la mipumelona, te'dara kumua kuanggai kamu' mpugaukki to ianna joo, ba'tu ianna tee. Ia mandara kukadoangngi to kumua, ammipugaukki to tonganna sola sipato'na, ammipangmassang lakoi Puang to penawammi.

1 Timotius 5:5

Ia to baine te'damo muanena na te'damo tau njaranai, mellao doang tarruhhi mpeta'da pangkamasean-Na Puang Allataala, sanga ia mandamora narannuan.