1 Korintus 7:2 - Alkitab Duri

² Apa dikua anna danggi' namanggauk sala to tau, melo ke denni balinna.

1 Korintus 7:2 ပူးပေါင်းရင်းမြစ်များ

Kada Bulawan 18:22

Maupa' to tokebaine, iamo barakka'na jio mai Puang Allataala.

Kada Bulawan 19:14

Ia to bola sola ewanan iamo manah jio mai tomatuanta', apa ia to baine to melo pangpikkirisanna, iamo barakka' jio mai Puang Allataala lako muanena.

Matius 5:32

Apa kukuan kamu' kumua, ia to tossarak bainena to te'da namanggauk sala, ia mpusaba'i namanggauk sala joo baine, ke kemuane pole'i. Na ia to tompubainei to baine disarak, manggauk sala todai.”

1 Korintus 6:18

Danggi' manggauk sala, sanga sininna dosa laen to napugauk tau, saleanan jio mai kalena joo tau. Apa ia to tomanggauk sala, ia una mpamasolang batang kalena.

1 Korintus 7:1

Ia to la kupau tee too, iamo to miuki' lan sura'mi. Melo ke te'dai nakebaine to mesa' muane.

1 Korintus 7:3

Na ia to muane la napugauk to sipato'na napugauk muane lako bainena, susi toda to baine, la napugauk to sipato'na napugauk baine lako muanena.

1 Korintus 7:9

Apa ia ke tangmikullei nta'tan kamadoanganmi, kebali bangmo kamu'. Nasaba' la'biran ke kebali kamu' na ia ke mallua'-lua'i to penawammi.

Efesus 5:28

Susimi joo ia to pangpakamoja'na muane lako bainena la pada pangpakamoja'na lako kalena. Nasaba' ia to mpakamoja' bainena, pada ke mpakamoja'i kalena.

Efesus 5:33

Jaji, ia to pangpakamoja'na muane lako bainena la pada pangpakamoja'na lako kalena, na ia to baine la ngkasiri' muanena.

1 Tesalonika 4:4

Parallu la mipahang kamu' to muane umbo mikua mpugaukki lako balimmi to sipato'na, to napumasannangna Puang Allataala sola tolino.

1 Timotius 4:3

Mangngajahhii tuu lako tau kumua, danggi' nakebaine ba'tu kemuane to tau. Den too kande mattantumo napemalian nakande. Nasitonganna ia joo kande napaden Puang Allataala la dikande, anna ia to tomatappa'mo na nnissen toomo pangngajaran tongan mangkurru sumanga' ngkandei.