1 Korintus 4:9 - Alkitab Duri

⁹ Ia to passanganku', ia tee kami' rasulu' napileanmokan Puang Allataala to torroan kaminang majiong, sanga susikan to mangkamo dipapassanni pangsessa kamatean, nasikita-kitaikan sininna apa lan lino, la malaeka', la tolino.

1 Korintus 4:9 ပူးပေါင်းရင်းမြစ်များ

Jamanna Rasulu' 19:29

Marongka ngasanmi to tau lan joo kota. Najokkoi to Gayus sola Aristarkhus, nagararakki tama panggoloran lan joo kota. (Ia to Gayus sola Aristarkhus to-Makedonia nasolan Paulus lan kalingkanna.)

Jamanna Rasulu' 19:31

Ba'tu pira-pira tomapangka' jio propinsi Asia siissenna Paulus, mesua mpauanni kumua danggi' namale tama panggoloran.

Roma 8:36

Susi to diuki' jolomo lan Sura' Allataala kumua, “La nabunokan tau, dipasusikan bembala' la digere', nasaba' kituru'miki'.”

1 Korintus 15:19

Iamo joo ia ke mangrannuanki' lako Almaseh la mpasalama'ki' lan mandara ntee lino, tangngia jio lino undi, kita'mo kita' to kaminang macilakanna sininna tolino.

2 Korintus 11:23

Tompangjamanraka Almaseh tuu mati' tau? Mangkada susina' tobango' tee, “Aku'mo tompangjaman Almaseh la'bih melo.” La'bih tangmekabo'jo'na' aku' mangjama, la'bih pembudamo' aku' ditarungku, la'bih pembuda toona' dirambi, na tuli ci'di'mora kumate.

2 Korintus 6:9

Den tau te'da natarimakan, moi na buda tau naissenkan kumua rasulu'kan. Disanga tomatemokan, moi kituo unapa. Moi kidisessa, te'da kipumatei.

1 Tesalonika 3:3

Susimi joo, danggi' lalo miden mpessakkanni Almaseh moiraka mimaparri'. Miissen kumua ia tee kamaparrisan akkattanamo Puang Allataala lako kalemi.

Ibrani 1:14

Ia to malaeka' mpangjaman Puang Allataala to nasua ntulungngi to tolantarima kasalamatan.

Ibrani 10:33

Den midicapa'-capa' sola dipakario-rio jio olona tobuda, na den too kamu' masse penawammi ngkitai to dipa'dikki susi joo.

Ibrani 11:36

Den to dicapa'-capa' na dipekaju. Den too to dirante bassi na dipatama pangtarungkuan.