1 Korintus 4:4 - Alkitab Duri

⁴ Ia ke aku' te'da caccaku' moi ci'di', apa te'da na ia joo la menjaji butti kumua tomelona'. Puangra ia to la mparessana' anna tongananna' ba'tu napasalana'.

1 Korintus 4:4 ပူးပေါင်းရင်းမြစ်များ

Kada Bulawan 21:2

Pada ssanga kalena to tau maruruh, apa Puang Allataalara mparessa issi penawanna tolino.

Kada Bulawan 29:26

Buda tau nakabudai massede lako tomangparenta, apa Puang Allataalara to maruruh mangra'tah.

Yahya 21:17

Mangpentallunna Puang Isa ngkutanaii nakua, “Simon anakkana Yona, mupakamoja'ra'ka?” Memmassei penawanna Petrus, nasaba' pentallunmi nakutanai Puang Isa. Mebali omi Petrus nakua, “Oo Puang. Kita' nnissenni to sininna apa. Taissen kumua kupakamoja'ki'!” Nakua Puang Isa ngkuanni, “Rewai to bembala'-Ku'.

Jamanna Rasulu' 23:1

Nakaje'jekki Paulus tuu lako Pangbicara Agama, namangkada nakua, “Ee, todipusile'to sola ngasan! Ratu lako too allo, tuli kupugauk to situru' pakkaeloran-Na Puang Allataala, na maruruh to penawangku'.”

Roma 2:13

Tangngia tossa'ding manda atoranna Nabi Musa to napupenjaji tomelo Puang Allataala, apa iara to mpugaukki joo atoran.

Roma 4:2

Ia ke la dipupenjaji tomeloi nasaba' panggaukanna, sipato' ia majao penawa, apa te'da nasipato' mpugaukki susi joo dikua nakitai Puang Allataala.

1 Korintus 4:3

Iamo joo te'da naciapa ke mitongananni ba'tu mipasalai to jamanku'. Te'da naciapa moi inda mpugaukki joo. Moi aku' te'da kutonganan ba'tu mpasala kaleku'.

1 Korintus 4:5

Iamo joo danggi' mimadoi' bang mpasala tau kumua tokasalan, ba'tu ntongananni kumua tomelo, sanga te'dapa nadete'i wattunna. Tajanni karatuan-Na pole' Puang, sanga Ia la nnarrangngi to apa membuni. Ia too la mpapajanni to akkattana tolino to nabunianan lan penawanna. Ia joo wattu mane'ri napuji Puang Allataala to tau, to tosipato' dipuji.

2 Korintus 1:12

Kipumario, sanga kiissen lan penawangki', kumua maruruh na te'da caccana to panggaukanki', to padamokan masainna lan tee lino, la'bi-la'bipa lako kamu', natuli situru' pakkaeloran-Na Puang Allataala. Te'da napatujukan kapaissenan tolino, apa barakka'-Nara Puang Allataala to nabenkan.

2 Korintus 5:10

Nasaba' la dipangngolo ngasanki' lako Almaseh antapada diben assele' panggaukanta', la panggaukan melo, la panggaukan gaja'.