1 Korintus 12:4 - Alkitab Duri

⁴ Mangrupa-rupa barakka'-Na Roh Allataala, apa mesa'ri Ia.

1 Korintus 12:4 ပူးပေါင်းရင်းမြစ်များ

1 Petrus 4:10

Pada nabenmo kamu' Puang Allataala to mangrupa-rupa barakka'. Iamo joo pada la mipake meloi joo barakka' situlung.

1 Korintus 12:28

Na mangkamo naatoro' Puang Allataala to jamaa napada mbenni jaman to tomatappa'. Bungahna den menjaji rasulu', mangpenduanna den menjaji nabi, mangpentallunna den menjaji guru, na sitarruhna den to tompugauk tanda mejangngaran, naden to diben barakka' mpamalagah tomasaki, barakka' ntulung padanna rupa tau, barakka' mangparenta, ba'tu barakka' mangkada mpake basa mejangngaran.

Ibrani 2:4

Te'da na ia manda joo, apa Puang Allataala Ia ntongananni to kadanna tuu lako tau, anna benni kuasa mpugauk mangrupa-rupa tanda mejangngaran, naben tooi barakka' Roh Allataala situru' pakkaeloran-Na.

Efesus 4:11

Pada nabenni barakka' to umma'-Na. Den to napupenjaji rasulu', den to napupenjaji nabi, den to napupenjaji tompangpeissenan Kareba Kasalamatan, den to napupenjaji guru iarika tonnurusu' jamaa.

1 Korintus 7:7

Sitonganna la'bih kukabudai ke belang ngasanni to tau susi aku'. Apa pada ntarimamo kamu' barakka' mattantu jio mai Puang Allataala. Jaji, silaenan to barakka' pada ditarima.

1 Korintus 12:1

Ee, tomala'bihku'! Sitarruhna la kupau to barakka'-Na Roh Allataala. Madoangna' ke miissenni to katongananna.

1 Korintus 12:5

Mangrupa-rupa carana mpangjamanni to Puang, apa mesa'ri Ia.