Romans 9:33 - Bo-Ung NT

³³ [Ku akilindu] Pulu Yili-nga bukna [Asaya-ni turum] ung te molemú, akili i-sipa mele: ‘Piliai. Yambuma singa tonjulemú ku te, akili-ni yambuma topa mania mundumba kuli, na-ni Mulú-Sayon olakundu lipili nusurundu. Ku kanili molemú yili ‘Yu sika [Pulu Yili-ni ‘Oliu nokupa kunjupili.’ nimba liipa mundurum yi-nuim Kraisele].’ niku tondulu munduku piliingí yambuma-ni [yu-ni sika liipa tapunjumbaliinga] penga ‘Yu gólu tokum.’ niku numanu kis panjingí kupulanum te naa lemba.’ nimba bukna molemú. ekendu Asaya 8:14, ekendu Asaya 28:16

Romans 9:33 ပူးပေါင်းရင်းမြစ်များ

Matthew 21:42

Yesos-ni [Pulu Yili-nga Juda-yambuma nukuring yima-ni yunu toku kunjingí mele piliipaliinga] eninindu nimba mele: “Pulu Yili-nga bukna sukundu molemú ung te kanuku naa piliilimiliye? [Ung akili i-sipa mele:] “Lku takuring yima-ni kanuku kis piliiku toku munduku kiliring ku-mulú kanili ekupu kelepa lku-paka-sum mele lku tepa tondulu munduli ku-mulú auli kaiéle. Auliele-ni ulu akili tirim oliu-ni kanupu aima kaí piliilimulu.” Konana 118:22-23 nimba molemú kanili.

Matthew 21:44

(Ku-mulú [niker] ilinga ola yambu te singa topa tomba kene ombele-mélema elki tomba. Akiliinga-pe yambu te molumbana ola ku-mulále omba yu topa kene yambu kanili topa nurupalu tomba.)” nirim.

Romans 10:1

Angmene, ‘Nanga pulu lelemú Isrel-yambuma mindili nolkemela kupulanum-na wendu oku, yu-kene wasie molku kunjingí kupulanum-na pangi.’ nimbu piliipu [na Poll-ni] Pulu Yili-kene taki-taki popu topu mawa tepu moliu.

Romans 10:11

Aku-sipa ung te Pulu Yili-nga bukna molemú, akili i-sipa mele: ‘ ‘Yu sika [tepa liimba].’ niku tondulu munduku piliilimili yambuma-ni [yu-ni sika tepa liimbaliinga] pe ‘Yu gólu tokum.’ niku numanu kis panjingí kupulanum te naa lemba.’ Asaya 28:16 nilimú.

Romans 5:5

Pe ‘Pulu Yili-ni oliu tepa liimba.’ nimbu piliilimulu ulele oliu-oliuliu ‘Sika wendu ombá.’ nimbu we nokupu naa molemulu. Pulu Yili-ni Mini Kake Tili ui oliu sirim akili-ni oliunga numanuna Pulu Yili oliu numanu monjulemú ulu akili onde linjirim akiliinga ‘Sika wendu ombá.’ nimbu numanu sipu nokupu molemulu ulele ‘Ombánje mola naa ombánje.’ nimbu numanu pulele liipu naa mundulimulu. Aima sika wendu ombá.

Galatians 5:11

Angmene, ‘Poll-ni “Kangi te kopsangi.” nilimú.’ nilimele mele sika aku-sipu na-ni niliu lem nambimuna [Juda-yambuma-ni] na mindili silimeleye? [Aku-sipu nilkanje na mindili silimele kupulanum te naa lelka.] Aku-sipu nilkanje [Krais] unji-perana [oliunga nimba kulunjurum mele nimbu siliu] ung akili piliiku kene [Juda-yambuma-ni] piliiku kis piliiku [na buni te naa silkimela].

Philippians 1:20

‘Na-ni teambu.’ nimbu piliikerale i-sipa mele: ‘Na teliu mele kepe moliu mele kepe akiliinga pipili naa kolupu Krais-nga kumbi-kerina angiliimbu kene aima kapula.’ nimbu yunga kongunale tondulu mundupu teliu. ‘Molumbu kene kepe mola kolumbu kene kepe nanga kangiele-ni Krais-nga bili paka tunjurundu tonjuliu mele aku-sipu tonjambu.’ nimbu aku teliu.

2 Timothy 1:12

Na aku-sipu kongun teliáliinga na aku-siku mindili liiku silimele mindili noliu. Akiliinga-pe na ‘Sika’ nimbu tondulu mundupu piliiliu yili tepa molemú mele piliipu kene, na temani-kaiéle ‘Sika’ nimbu tondulu mundupu piliiliu ulele kene, yunga kongun sirim teliále kene, yu-ni mimi-sipa nokumbaliinga kis naa lepa we lepa mindi pupili mulú-masele pora nimbá enale wendu ombáliinga piliipu kene na pipili kolupu numanu buni pípili naa moliu.

1 John 2:28

Sika, nanga numanu monjuliu kangambulama, ekupu eni [Krais] yu-kene tapú-toku molku mindi pai. ‘Aku temulú kene penga yu ombá kene kanupuliinga pipili naa kolupu yunga kumbi-kerina mini-wale naa mundupu sumbi-sipu pupu ola angiliimulú.’ niku aku-siku yu-kene taki-taki tapú-toku molai.