Romans 2:21 - Bo-Ung NT

²¹ Aku-siku sika nilimele lem eni yambu lupama mani silimele mele akili eni-enini nambimuna mani naa silimeleye? Eni yambuma mani siku kene “Wa naa liai.” nilimele lem pe eni-enini nambimuna wa liilimeleye?

Romans 2:21 ပူးပေါင်းရင်းမြစ်များ

Matthew 21:13

eninindu nimba mele: “Pulu Yili-nga bukna ung te i-sipa mele nilimú: ‘Yambuma-ni nanga lkulindu “Pulu Yili-kene popu topu ung nilimulu lkuli.” ningí.’ Asaya 56:7 kanili. Ung aku-sipa molemú akiliinga-pe eni lku ili ‘wa nolemele yambuma mo toku molemele lkuli’ Jeremaya 7:11 mele niku piliiku kene aku-siku telemele.” nirim.

Luke 11:46

Yesos-ni kelepa enini [ung-mura tepa kene] nimba mele: “Sika nikinu. Eni Pulu Yili-nga ung-manimanga puluma piliiku kungnjuli yi kanuma mindili noku aima molku kis-singíko! Eni ung-mani siku ‘Teai.’ nilimele mele we-yambuma piliiku kene tingíndu buni kolemele. Aku-siku buni pulele mindili siku mingí mele ‘Meangi.’ niku siku kene eni-enini layesele kepe ‘Liipu tapunjupu meamili.’ naa niku molemeláliinga eni [kepe] mindili noku aima molku kis-singíko!

Luke 12:47

“Kongun tili yambu te yunga auliele-ni “I-sikunu i-sikunu ti.” nimbá ungele sumbi-sipa piliipaliinga ungele karaye temba, mola ‘Nikem mele naa tembu.’ nimba piliipa aku-sipa piliipa liipa naa temba yambu kanili yunga auliele-ni penga yunu ‘Mindili aima lakupa nupili.’ nimba wale aima pulele tomba.

Luke 19:22

Aku-sipa nirim kene piliipaliinga yi-nuimele-ni ung-mura tepa kene yunundu nimba mele: “Nu kendemande-yi kisele. [Na-ni nunga kot piliimbu kene] nunga nikinu ungele-ni nu-nunu kot tenjimba. Nu-ni piliikunu kene ‘Yambuma-ni punie panjinjilimele kene na-nanu langi mélema we ukupu liipu; punie naa teliuna langima liipu nosupu, na aku-sipu tepu moliu.’ niku piliikunu molluye?

Luke 4:23

[Akiliinga-pe] Yesos-ni [yunu mulurum mele nirim-na piliiku kene yunu numanu kis panjiring akili piliipaliinga] eninindu nimba mele: “Ung-eku tolemelemanga te nandu toku ningí teku molemelenje nimbu piliiker. Eni nandu i-siku ningí tekemelenje: “Nu sika dokta mollu lem nu kuru tomba kene nunga upipi-marasinele nunu liikunu nui. Penga nu kona puni [kanupu kene ‘Nu sika dokta mollu lem.’ nimbu piliimulú.” niku ung-eku akili na toku singí tekemelenje?] Nandu niku mele: “Nu-ni Kapeniam taon ulu-tonduluma tirinu piliirimulu akili ya nunga kolea [Nasaret] akuna aku-sikunu ti. [Kanupu kene nu “moliu.” nikinu mele ‘Sika nikinu lem.’ nimbu piliimulú.]” ningí tekemelenje?

1 Corinthians 9:27

Nanga kangiele aima tondulu mundupu nokupu ‘Nanga kendemande-kongun tinjiliele mulupili.’ niliu. ‘Temani-kaiéle yambuma topu silsiliipu andupu kene, penga na-nanu [tepu konjupu naa molombáliinga] méle kaluliele naa simba liimbunje.’ nimbu kene [na aku-sipu nanga kangiele tondulu mundupu nokupu moliu].

Galatians 6:13

Kangi kopsilimele yima-ni kepe [Moses-ni] ung-mani sirimuma naa piliiku liiku telemele akiliinga-pe ‘[Juda-yambuma-ni] oliu temulú mele kanuku kene oliu kape niangi.’ niku kene eni [Krais-nga Gallesia-yambumandu] “Kangi te kopsai.” nilimele.