Romans 11:10 - Bo-Ung NT

¹⁰ Eninga monguma-ni ‘mélema naa kanangi.’ nimba pipi sipa, súmbulu topa, taki-taki enini buni auli-teku mingéliinga eninga buluma langupa olkundu sukundu upili molku mindi pangi.” Konana 69:22-23 nirim.

Romans 11:10 ပူးပေါင်းရင်းမြစ်များ

Romans 1:21

‘Pulu Yili sika molemú.’ sika niring akiliinga-pe ‘Yu Pulu Yili’ niku yunga bili paka tonjuku kape niku yunu-kene “Angke” naa niring, enini numanu naa pepa kelep mele toku numanuma súmbulu tupili muluring.

Romans 11:8

Aku-sipa Pulu Yili-nga bukna ung te turing molemú, akili i-sipa mele: “Pulu Yili-ni enini ‘numanu naa pili yambuma mele molku, mongale-ni mélema naa kanuku, kumele-ni ungma naa piliangi.’ nirim akili pe ekupu kepe yandupa-yandupa aku-siku-mele molemele.” Ung-Manima 29:4, Asaya 29:10 nimba molemú.

Ephesians 4:18

Yambu kanuma enini uluma pali naa piliiku eninga numanuma pipi silimeláliinga Pulu Yili molupa telemú mele naa piliiku, eninga piliipa kungnjúlima súmbulu tolemú akiliinga enini Pulu Yili-nga kona molupa kunjulieliinga ulsukundu molemele.

2 Peter 2:17

Yi kanuma no pikipa wendu omba kumbululimú mele enini aku-sílima. [Yambuma-ni ‘no námili.’ niku no pikipa wendu olemúna piliiku pulimelé kene kumbululimú-na kapula naa nolemele.] [Kupa topa pombera tolemú kene kanuku kene ‘Lo tomba.’ niku numanu siku nokuku molemele akiliinga-pe] popuremi-ni kupama we topa memba pulimú mele yi kanuma aku-sílima molemele. [Aku-sipa, yambuma liipa tapunjumba ung te yi kanuma-kene naa pelemú. Pulu Yili-ni] yi akumanga kolea súmbulu topa aima pombera túlina mulungí koleale tepa mimi tirim.

2 Peter 2:4

[‘Pulu Yili-ni yi kanuma sika mindili simba.’ nimbu tondulu mundupu piliilimuláliinga pulele i-sipa mele:] Ui [mulú-koleana] angkella mare-ni ulu-pulu-kísima tiring kene Pulu Yili-ni enini mundupa naa kelepa, ‘Kot-enale wendu ombá kene kot teangi, ui ka-lku aima súmbulu mululi koleana nokuku molangi.’ nimba ka-sen-ni ka sipa mindili nungí kolea-kísina liipa mundurum kanili.

Jude 1:13

Popuremi tolemú kene numú-kusa lombeya lepa anju-yandu pulimú mele enini aku-siku ulu kísima tingíndu pipili naa kolku we telemele. Noma amáme melemú kene yambuma-ni kanolemele mele enini pipili naa kolku ulu kísima telemele mele aku-sipa mokeringa lelemú. Kombukantupu mare eninga kupulanum-na naa puku kupulanum lupamanga anduku pulimeláliinga [Pulu Yili-ni] kombukantupu kanuma kolea súmbulu topa aima pombera tolemú kolea kis te makó topa ‘Pangi.’ nirim kombukantupu kanuma-mele yi akuma enini aku-siku molemeláliinga akuna pungíko.

Jude 1:6

Mulú-koleana angkella mare Pulu Yili-ni ‘enini méle mare nokangi.’ nimba tondulu te sirim mélema táka-niku naa nokuku, muluring koleale munduku kelku anju puring angkellamanga temanele piliilimili akili alsuku piliangiko. Aku tiringeliinga Pulu Yili-ni enini ka sipa, lepa mindi pumba ka-sen-ni ka topa, kolea aima súmbulu túlina liipa suku mundurum. Pulu Yili-nga kot-ena auliele wendu ombáliinga nokuku molemele.