Romans 10:21 - Bo-Ung NT

²¹ Isrel-yambumandu Asaya-ni [Pulu Yili-nga] ung te wasie nimba mele: “Nanga ungele naa piliiku liiku, kara pulimelé yambumandu na-ni taki-taki “Wangi.” nimbu kórunga-ui kepe ekupu yandupa kepe kanglupu liimbu tepu angiliu.” Asaya 65:2 nirim.

Romans 10:21 ပူးပေါင်းရင်းမြစ်များ

Luke 24:47

Aku-sipa temba kene yi Krais kanili yunga talape-yambuma-ni yunga tondulale-ni yambuma ulu-pulu-kis tingíma piliiku kis piliiku numanu topele tungí akili kene, ulu-pulu-kis tingíma Pulu Yili-ni kanupa konde tenjipa alsupa naa piliipa “Aku-siku teku kis-siringeliinga mindili nangi.” naa nimbá akili kene, niku singíndu Juda-yambumanga kolea-auli Jerusallem pulu monjuku niku siku koleamanga pali puku kene niku silsiliiku andungí.’,

1 Thessalonians 2:16

‘Pulu Yili-ni Juda-yambu naa molemele yambuma tepa liipa, mindili nolkemela kupulanum-na wendu liipa, yu-kene molku kunjingí kupulanum-na liipa monjumba mele oliu naa niamili.’ niku, oliu andupu yambu-lupa kanuma ung nimbu simulú kupulanumele pipi singí telemele. Aku telemeláliinga enini ulu-pulu-kis telemele mele taki-taki olandupa-olandupa aima wasie pali telemele, akiliinga, ulu-pulu-kis aima pulele enini-kene kamu pemba. Pe ekupu Pulu Yili-nga arerembi kolumba enale enini molemelena kórunga kam-kamu omba lelemú.

1 Peter 2:8

[‘Sika’ niku tondulu munduku naa piliilimili yambu kanuma kene, ku kanili kene,] i-sipa mele: “Ku kanili yu ku kelú te yambu te-ni kambiliimú kene koropele topa tepa singa tonjumba telemú ku te mele; yu ku auli te-ni yambu singa topa, topa mania mundulimú ku te mele.” Asaya 8:14 nimba molemú. Yambu kanuma Pulu Yili-nga ungele liiku su silimeláliinga tepa singa tonjulemú. Pulu Yili-ni ui aku-sipa nimba panjurum kanili.