Revelation 18:15 - Bo-Ung NT

¹⁵ Méle akuma méle taropu toku ku-moni pulele liiku singí yima-ni sulu-teku angiliiku yu mindili lakupa nombá mele kanuku kene aima mini-wale mundungí. Kola teku kola-lku molku kene

Revelation 18:15 ပူးပေါင်းရင်းမြစ်များ

Mark 11:17

Enini mani sipa kene nimba mele: “Pulu Yili-nga bukna ung te i-sipa nilimú: ‘Yambuma-ni nanga lkulindu “Koleamanga pali yambu-talapema-ni Pulu Yili-kene popu topu ung nilimulu lkuli.” ningí.’ ung kanili eni naa piliilimiliye? Asaya 56:7 Ung aku-sipa molemú akiliinga-pe eni lku ili ‘wa nolemele yambuma mo toku molemele lkuli’ mele niku piliiku kene aku-siku telemele.” nirim. Jeremaya 7:11

Acts 16:19

Ambu-wenipale nukuring yima-ni kanuku kene, eninga ku-moni liiring kupulanum kanili omba wendu purum kanukuliinga, Poll kene Saillas-sele oku ambili molku liiku, ‘Yi-aulima kene kot tenjamili.’ niku kene, ki kunduku yambuma taki-taki liiku máku toku muluring kolea akuna meku puring.

Revelation 18:12

Méle taropu toku nusingí méle akuma i-sipa mele: Ku-gollu kene, ku-sillipa kene, bo-ku ku-moni auli-tepa pulimúma kene, sisipale kake ku-moni aima olandupa pulimúma kene; múlu kake kaíma kene, múlu kunduli lupa-lupama kene; unji lupa-lupa mura túlima kene, méle lupa-lupa kung-ellepent gu-ni teku mimi tingí mélema kene, unji ku-moni auli-tepa púlima-ni teku mimi tingí mélema kene, ku-brons kene ku-ain kene ku monu-wape tili kene ku akuma-ni teku mimi tingí mélema kene, méle akuma nosuku;

Revelation 18:13

kangina ‘mura tupili.’ niku kopungu-wel teku mimi teku kalemele sinamon kene spais kene, paura-kiku kalemele kene mura tolemúma kene, kopungu-wel lupa-lupa mura túlima kene, no-waen kene unji-ollip kopungu-wel kene, rais-wit kene, rais-witele-ni teku mimi telemele pllawa kene; kung kao sipsipma kene; kung-os kene osu-ni kundulimú karma kene; kongun we tinjingí kendemande mulungí yambu, ‘numanu naa pepa kung mele molemele.’ niku meku puku ku-moni méle taropu tungí yambuma kene; méle nusingí akuma pali yambuma-ni alsuku koleamanga lupa liiku meku oku maket teku ku-moni liingí kupulanumele mania pumbaliinga kola tingí.

Revelation 18:14

“Enini niku mele: ‘Nu méle kaí ku-moni olandupa pulimú mélema ‘aima liambuka!’ nikunu piliilluma mania pumu. Méle kaí lupa-lupama pali nu waka kulunuma kene nunga au nillu méle ku-moni olandupa pulimú kaíma kene kam-kamu nu mundupa kelepa mania pumu. Mélema alsupa nu-kene naa lemba kanuní.’ ningí.

Revelation 18:19

Ma-kingipu liiku pakuku kola teku kola-lku molku kene nangale toku kene niku mele: “Apa! Kondo-o! Apa! Kondo-o! Kolea bi aima ola mululiele, sip no-numúna meku anduku akuna ku-moni auli-tepa nusurum ku-moni auli-teku liiring koleale! Ena-mong tilueliinga kolea akili kamu kis lim.” ningí.

Revelation 18:3

‘Kolea kanuna yambu muluringma-ni we-koleamanga pali yambu-talapema waperanale tingí uluma pelemú no-waen aima tondulale nangi.’ nimba karaye tirim nuringeliinga kamu kis lirim. Koleamanga pali yi nuim kingima-ni kepe yu-kene waperanale tiringko. Mana méle taropu turing yima-ni kara puku méle kísima waka lirimeliinga enini yu-kene méle taropu toku ku-moni pulele liiring.” nirim.