Revelation 13:6 - Bo-Ung NT

⁶ Yu pulu monjupa Pulu Yili marake tepa yunga bili kene yu mulurum koleale kene mulú-koleana muluring yambuma kene ung-taka tunjurum.

Revelation 13:6 ပူးပေါင်းရင်းမြစ်များ

Matthew 12:34

Eni Perisi-yima, gólu topa yambuma tepa kis-sili wambiyelenga walúma, eni yi kis molemelema-ni nambi-siku ung kaíma kapula ningíye? Yambu te yunga numanuna pelemú ungma mindi kerina nilimú akiliinga eni yi kísima-ni nambi-siku ung kaíma kapula ningíye?

John 1:14

Ungele [Pulu Yili kene wasie muluringliele] mania omba mana-yi au talupa oliu-kene wasie ena laye-kolte mulurum. Yu mana omba mulurum kene nem-nemi nimbu kanupu kene, yu yi aima kaí, bi molemú yi tondulale, kanupu piliirimulu. Yi aima kaí tondulu kanili Málu tiluele mulurum Lapa mulurumna yu-kene wasie molkulu kene mana-mania urumeliinga yu yi aima kaíele, bi aima ola mululi yi tondulale mindi kanupu piliirimulu. Yu we kondu kululi ulu-pulele kene ung-sika nili ulu-pulele kene yunga numanuna pepa peka turum yili.

Romans 3:13

“Eninga kerima yambu-ónu-kolea kusi ukulemele we lelemú mele angiliimú; kerima-ni ung pulele gólu toku mindi nilimele.” Konana 5:9 “Wambiyemanga kerina kupuná pelemú mele eninga kerimanga aku-sipa yambuma teku kis-silimele ungma pelemú.” Konana 140:3

Colossians 1:19

Pulu Yili yu-yunu molupa telemú mele ‘aku-sipa ulu-puluma Málu-kene pípili.’ nimba piliirim-na Pulu Yili yunu-kene peka topa pelemú mele Málu-kene aku-sipa pelemú, [Pulu Yili-nga Málale, Lapa molemú mele molemú].

Colossians 2:9

Yi-nuim Kraisele mana-yi au talurum kene Pulu Yili yu-yunu molupa telemú mele aku-sipa ulu-pulele Kraisele yunga kangina pepa peká tolemú mele eni piliilimili kanili.

Hebrews 9:2

Lku akili sell-lku te takuring, akuna sukundu sulumina tale lirim. Takuku kene, yunga sulumina kikundu lirimna tepi-llam angere yupuku-guli nurum mélale kene pllawa-kaluli ‘Pulu Yili-nga’ niku nusiring polale kene nusiring, sulumina akili bi leku ‘Sulumina Kake Tiliele’ niring.

Hebrews 9:24

Krais yu [kolupa lomburupa ola molupa kene] ya ma-koleana Pulu Yili-nga sulumina mele tiring lirim sulumina akuna sukundu naa purum. Yu ‘Aima sika suluminaliinga pambu.’ nimba sumbi-sipa mulú-koleana mindi purum, we tenga-lupa mólu. Akuna ‘oliu liipu tapunjambu.’ nimba Pulu Yili-nga kumbi-kerina pupa molemú.

Revelation 11:12

Kanu-kene elsele-ni mulú-koleana ung te tondulu mundupa kene nirimele piliiringli. Kanili-ni elselendu nimba mele: “Ilinga olandu wale.” nirim. Kanu-kene elsengla ele-túma kanuku angiliangi elsele kupa-polu tenga mulú-koleana olandu puringli.

Revelation 12:12

Akiliinga, nu mulú-koleale kene akuna molemele yambuma kene eni numanu sangi. Akiliinga-pe nu male kene nu numú-kusale kene [kurumanga nuim] depollale else muluringlina mania purumeliinga else-kene buni auli te wendu um. ‘Pulu Yili-ni yu kamu topa mundumba enale nondupa wendu ombá.’ nimba piliipa yu lakupa arerembi kolupa molemú.” nirim.

Revelation 15:5

Penga mulú-koleana kelepu kanurundu kene Pulu Yili popu turing sell-lku-tembollana sukundu sulumina aima kake tiliele kuna liipa lirim. Akuna sukundu Pulu Yili-ni nimba panjurum ungma pirim lku-sulumina kanili. Akili kuna liipa lirim.

Revelation 18:20

Mulú-koleana molemele yambuma kene, Pulu Yili-nga yambuma kene, Krais-ni “Nanga kongunale tenji-pai.” nimba liipa mundurum yima kene, Pulu Yili-ni “I-siku niku si-pai.” nirim ungma piliiku yambuma niku siring yambuma kene, kolea ili-ni eni mindili liipa sipa tepa kis-sirimeliinga Pulu Yili-ni apurupa kene yu mindili liipa sipa tepa kis-sikimeliinga yu lepa kis-silimáliinga numanu auli-teku sai!” nirim.

Revelation 21:3

Penga piliirindu kene yi nuim king poluna ung te wendu omba tondulu nangale topa kene nimba mele: “Ekupu Pulu Yili molemú lkuli [omba] yambuma molemelena angiliimú, yu enini-kene tapú-topa molumba. Enini yunga yambuma mulungí, yu eninga Pulu Yili molupa enini nokupa, enini-kene molumba.

Revelation 4:1

Ung akuma piliipu pora sipu kene penga kanurundu kene mulú-koleana lku-kunele liipa lirim kanurundu. Kanu-kene ung ui piliirindu kene bikull mele ung nirim akili-ni nimba mele: “Penga wendu ombá uluma na-ni nu liipu ora sambu ilinga olandu ui.” nirim.

Revelation 4:4

Yi nuim king kaniliinga poluna yi nuim kingimanga polu tokapu-tilu nosuku poku tiring, polu akumanga ola yi-nuim tokapu-tilu muluring. Enini wale-pakuli kake tílima pakuku, yi nuim kingima wanie ku-gollu-ni tílima pakolemele mele wanie-kraonma pakuku muluring.

Revelation 5:13

Kanu-kene mulú-koleana molemele mélema kepe, ma-koleana molemele mélema kepe, mana sukundu molemele mélema kepe, numú-kusana molemele mélema kepe, koleamanga pali molemele mélema-ni niring mele piliirindu. Enini niku mele: “Yi nuim king poluna molemú yili kene Sipsip-Walále kene elselendu “‘Molku kunjangli!’ nimbu taki-taki kape nimbu bili aima olandupa pepa, tondulu talang puliele kene yambuma nokumba tondulale kene kam-kamu elsele-kene pepa mindi pulimú pumba.” nimbu molamili!” niring.

Revelation 7:15

Akiliinga, Enini Pulu Yili-nga yi nuim king polu kumbikundu angiliiku, yunga lku-sulumina aima kake tílina sumbulsuli tanguli kongun tinjiring. Yi nuim king poluna molemú yili enini-kene tapú-topa molupa enini nokumba.

Revelation 7:9

Akili kanupu kene, penga alsupu kanurundu akili i-sipa mele: Yambu aima pulele, yambu te-ni aima kapula kambu naa tomba mele, muluring kanurundu. Yambu akuma enini kolea lupa-lupa yambuma, talape lupa-lupa yambuma, kangi lupa-lupa kululi yambuma, bo-ung lupa-lupa lili yambuma muluring. Yi nuim king poluna yakundu angiliiku, Sipsip-Walále-nga kumbi-kerina angiliiring. Enini wale-pakuli kake tili suluma pakuku kipiyala-gomú ambolku kene,