Philippians 2:10 - Bo-Ung NT

¹⁰ ‘Yesos-nga bili piliiku kene mulú-koleana sukundu molemele yambuma kene mana molemele yambuma kene mana-mania pelemelé yambuma kene enini pali yunga bili paka tonjuku ‘Yu yi-auliele mulupili, oliu mandupa molamili.’ niku [yunga kumbi-kerina] koporungu languku,

Philippians 2:10 ပူးပေါင်းရင်းမြစ်များ

Matthew 12:40

Oma auli te-ni Jona topa pengí mundurum kene yunu omaliinga oluna sumbulsum tanguli ena yupuku molupa pirim [kene omale-ni yunu no-numú kéluna miku topa wendu mundurum kene yunu alsupa we mulurum] mele Mania Omba Mana-Yi Au Talurum Yili [kolumba kene angnjiku panjingí kene] aku-sipa sumbulsum tanguli ena yupuku mana sukundu pepa kene [lomburupa ola molumba].

Matthew 27:29

unji-ka ko-ko mulurum te liiku mulkapiye teku kene ‘Yi nuim kingeliinga waniele.’ niku pengína pakunjuku, kingima-ni apulu te we ambululimele mele kolu-apulu te liiku yunga ki-bokundu ambulunjuku, yu angiliirimna koporungu languku ung-taka tonjuku bi we gólu toku paka tunjingindu “Juda-yambumanga yi nuim kingele, nu molkunuye?” niku

Matthew 28:18

Kanu-kene Yesos yu nondupa omba eninindu nimba mele: “Tata-ni nandu “Nu-nunu mulú-koleana mélema kene yambuma kene, ma-koleana mélema kene yambuma kene nokani.” nimba tondulale na sirim, na-kene pelemú.

Romans 11:4

Akiliinga-pe Pulu Yili-ni yundu pundu topa nambulka nirimye? Yu-ni nimba mele: “Yambu sepen tausen molemele akuma na-ni nokuliáliinga enini ‘oliu nokulemú pulu-yili’ niku gólu tuli Bele-nga kumbi-kerina tamalu peku popu naa tolemele.” nirim. King Kumbi-Lepama 19:18.

Ephesians 1:10

Ulu lupa-lupama ui wendu ombá kene “Wendu ombá.” nimba, nimba panjurum ulele wendu ombá enale piliipa kene ‘Wendu upili.’ nimbá. ‘Ulu wendu upili.’ nimbá ui mo topa pirim akili i-sipa mele: ‘Mulú-masele tirim mélema kene yandupa mélema pali méle akumanga pali yi tenga alsupa liipa tere lepa lipili. Kraisele méle kanumanga pali nukuli yili mulupili.’ nimbá.

Ephesians 3:14

[Ui nimbú tindu akili ekupu ya kamu niker.] [Pulu Yili-ni Juda-yambu-talapele kepe we-yambu-lupama kepe oliu pali “Tembu.” nimba, nimba panjurum mele ekupu telemú ulu] akiliinga na [piliipu]liinga ‘Oliunga Lapale[-kene popu topu ung nimbu eninga mawa tenjambu.’ nimbu] yunga kumbi-kerina koporungu langoliu.

Ephesians 4:9

Yu ‘olandu purum’ nirim akili olandu purumeliinga liipa ora sirimuye? Mólu. Ui yu aima mana-mandu purumeliinga liipa ora sirim.

Hebrews 1:6

Yunundu ung te wasie nirimko. Yunga kang-komulayele mana liipa mandu mundupa Pulu Yili-ni yunga angkellamandu nimba mele: “Kangale popu toku kape niku yunga bili paka tonjai.” nirim. Ung akuma piliipuliinga ‘Málale olandupa, angkellama mandupa.’ nimbu piliilimulu.

Revelation 20:13

Numú-kusana kuluring yambuma lomburuku ola molku, yambu ónu-koleana liring yambuma kepe Yambu Kolemelemanga Minima Pulimelé Koleana puring yambuma kepe lomburuku ola molku kot-na puku angiliiring. Kanu-kene eninga ulu tiringimanga yambu tilu-tilu nimba kot piliirim.

Revelation 4:10

yi-nuim tokapu-tilu enini ne yi poluna molemáliinga kumbi-kerina mania molku tamalu peku, yi taki-taki kona molupa mindi pulimú pumba yi kanili kape niku bi paka tonjuku, yi nuim kingima-ni wanie-kraon pakolemelema mele eninga wanie-kraon pakolemelema wendu liiku yunga kumbi-kerina mania nosuku kene niku mele:

Revelation 5:3

Akiliinga-pe mulú-koleana kepe ma-koleana kepe mana sukundu kepe yambu te-ni kapula wendu liipa, sukundu bi mulurumuma kapula kanomba yambu te molupa aima konjulimú yambu te naa mulurum.