Mark 14:70 - Bo-Ung NT

⁷⁰ Pita-ni alsupa “Mólu!” nirim. Wallú-kolte penga mele Pita angiliirim kanuna nondupa angiliiring yima-ni [yunu ung laye lupa mele lirim piliiku kene] yunundu niku mele: “Kolea Gallalli distrik yambuma-ni ung lelemele akili mele nu aku-sikunu ung nikinu piliikumulu. [Yesos kene yu lumbili anduli yima kolea Gallalli distrik yimako,] nu kepe Gallalli yi te, akiliinga ‘Nu aima sika yunga lumbili anduli yi te.’ nimbu piliikumulu.” niring.

Mark 14:70 ပူးပေါင်းရင်းမြစ်များ

Mark 14:68

Pita-ni gólu topa kene “Mólu!” nimba “Nu nikinu akili na naa piliiker!” nirim. Aku-sipa nimba kene lku-keri-puluna purum kene kera kulla ko turum.

Mark 14:69

Pita yunu lku-keri-puluna pupa mulupili kendemande-ambu kanili-ni yunu kanupa kene akuna angiliiring yambumandu alsupa nimba mele: “Yi ili Yesos-nga talapena yi te lem.” nirim.

Mark 14:71

Aku-siku niring kene Pita-ni Pulu Yili-nga bili lepa tondulu mundupa mi lepa kene nimba mele: “Aima sika niker. “Eni nikimili yili aima naa kanoliu! Gólu tokur lem Pulu Yili-ni na topa kunjupili.” niker.” nirim.

Acts 2:7

Enini suru niku mini-wale mundukuliinga niku mele: “Apa, yambu ima bo-ung lupa-lupama lekemelema enini kolea Gallalli distrik yambuma mendupulunje? [Gallalli yambuma-ni ung tiluele mindi nilimele kanili.]