Luke 23:9 - Bo-Ung NT

⁹ Akiliinga, Erot-ni Yesos ung pulele walsipa piliirim akiliinga-pe Yesos-ni ung te pundu topa naa nimba we mulurum.

Luke 23:9 ပူးပေါင်းရင်းမြစ်များ

Matthew 27:12

Pulu Yili popu tunjuring yi-aulima kene, [Juda-yambumanga] tápu-yima kene, enini Yesos kot tenjiku Paillet-ndu [gólu toku] ung pulele ningindu niku mele: “Yesos yunu tepa kis-silimú.” niku yu kot tinjiring kene Yesos yunu ung te naa nimba we angiliirim.

Matthew 27:14

Yesos [yu tepa kis-sirim niring mele] pundu topa ung tiluri kepe naa nimba [we angiliirim-na kanupa kene Rom-] gapman yi-nuim kanili-ni aima mini-wale mundupa numanu pulele liipa mundurum.

Matthew 7:6

“‘Pulu Yili-nga’ nilimele mélema liiku owa naa sai. Nomba kene pe topele topa eni nombánje akiliinga aku-siku naa teai. Eninga méle kaíma kung molumbana toku naa mundai. Kimbele-ni kambiliimba akiliinga aku naa teai.” [nirim.]

Mark 15:5

Akiliinga-pe Yesos-ni [yu tepa kis-sirim niring mele] pundu topa ung te aima naa nimba [we angiliirim-na kanupa kene] Paillet mini-wale mundupa numanu pulele liipa mundurum.

Luke 13:32

Yesos-ni eninindu nimba mele: “Na tomba tekem yili, yunu gólu topa numanu kis pili owa-takara poks mele akili molemúna ung ili puku niku si-pai.” nimba kene kelepa nimba mele: “Ekupu mele kepe opali talú mele kepe yambumanga numanuna pelemú kuruma topu makurupu, kuru tuli yambuma tepu kaí tepu, molupu kene laye-kolte penga mele na kongun tepu moliále pora simbu.

Luke 23:10

Pulu Yili popu tunjuring yi-aulima kene, Pulu Yili-nga ung-manimanga puluma piliiku ung-bo tunjuring yima kene, akuna angiliiku kene enini Erot-ndu niku mele: “Yesos-ni i-sipa mele ung nimba kis-sipa, i-sipa ulu pulele tepa kis-sipa molemú.” niku tondulu munduku niring.

John 19:9

kelepa lku-aulina sukundu pupaliinga Yesos-ndu walsipa kene nimba mele: “Nu tena molkunu urunuye?” nirim, akiliinga-pe Yesos-ni yundu pundu topa ung te naa nirim.

Acts 8:32

Pulu Yili-nga ungele yili-ni kanurum mele i-sipa: “Kung-sipsip walúma meku puku tolemele mele yunu aku-siku meku puku turing. Aku-kene kung sipsip di purungíndu ambululimele kene ung naa nimba yunu we tendi-sipa lelemú aku-sipa mele yunu toku kunjingí tiring kene aku-sipa ung naa nimba we tendi-sipa mulurum.

1 Peter 2:23

Yu ung-taka tonjuku ung-mura siku tiring kene yu-ni eninindu ung te pundu topa naa nirim. Enini yu we mindili liiku siring akiliinga-pe yu ‘We mindili nambu.’ nimba ung te naa nirim. ‘Kot piliipa uluma pali sumbi-sipa apurulimú Yili-ni yu teku kis-siring yambumanga kot tenjimba.’ nimba piliipa enini yu tiring mele mundupa kilirim.