John 8:59 - Bo-Ung NT

⁵⁹ Aku nirim-na piliikuliinga [Pulu Yili marake tepa ‘Pulu Yili moliu.’ nimba nirim-na piliikuliinga] enini “Yu topu konjamili.” niku ku-mulú liiku yu tungí tiring. Akiliinga-pe Yesos mo topa kene, lku-tembolluna kiyang nimba omba ulsu purum.

John 8:59 ပူးပေါင်းရင်းမြစ်များ

Matthew 12:14

Akiliinga-pe [Yesos-ni aku tirim kene kanuku kene] Perisi-yima-ni pena puku máku toku “Yu nambi-sipu topu konjumulúye?” niku kupulanum te kururing.

Luke 24:31

Aku-sipa tirim kene elsele yu kanukulu elsengla Auli Yesos niku kanuringli kene yunu tepa nema liirim-na alsuku naa kanuringli.

John 11:54

Kanu-kene Juda yi-aulima-ni yu toku kunjingíndu ele-langi niring piliipaliinga Yesos enini muluringna yu we mokeringa naa andurum. Yu enini mundupa kelepa kolea-wakana nondupa lirim kolea-kelú Iprem pupa, akuna yunga lumbili andúlima wasie muluring.

John 11:8

Akiliinga-pe enini niku mele: “Rapai, Juda yi-aulima-ni nu ui ku-ni toku kunjingí tiring kanili. Pe nu akuna kelkunu puni tekenuye?” niring.

John 12:36

Ekupu pa tiliele eni-kene molemáliinga ‘Oliu pa tílieliinga yambuma molamili.’ niku ‘Pa tíliele sika.’ niku tondulu munduku piliangi.” nirim. Ungma nimba pora sipa kene, ‘Na naa kanangi.’ nimba Yesos yambuma mundupa kelepa tenga-lupa pupa mo tu-purum.

John 18:31

Paillet-ni nimba mele: “Yu yandu meku puku kene eni-enini eninga ung-mani pelemúma-ni nilimú mele piliiku kene yu kot tenjiku buni singí mele eni-enini piliiku sai.” nirim. Juda-[yambumanga yi-auli]ma-ni niku mele: “Aku telkumulaliinga-pe Rom-gapmanale-ni oliu ung-mani sipa kene nimba mele: “Oliu we-yambuma-ni yambu te toku kunju naa konjai.” nilimú kanili.” niring. Aku niringeliinga Yesos-ni yu kolumba mele ui nimba sirim aku-sipa sika kolumbandu enini yu-ni nirim mele naa piliiku kene we eni-enini piliiku kene “Yu kulupili.” niku yu Paillet mulurumna meku uring. Yesos-ni “‘Na kolambu.’ niku unji-perana [toku] ku toku panjingí.” ui nirim mele [Rom-gapmanale-ni mendepolu mong liiring yambuma aku-sipa topa kunjurum, Juda-yambuma-ni aku-siku kapula naa tiring].

John 5:13

Akiliinga-pe yi kuru pora nirim yili ui anambu lirim koleana yambu pulele muluring kilia Yesos kiyang nimba purumeliinga yu-ni manda yunga bili walsipa naa piliirim.

John 9:1

Yesos pumba purum kene mong kis lirim yi te kupulanum-na mulurum kanurum. Anumu-ni oluna sukundu mong kis líliele mirim.

Acts 7:57

Yunu-ni aku-sipa [Pulu Yili kene Yesos kene kapula-kapula muluringli] akili mele nirim piliikuliinga, [“Pulu Yili-kene ung-taka tonjukum.” niku] ‘Yunga ung nikemale naa piliamili.’ niku kúmele pipi siku enini ung lupa mare tondulu munduku nilsiliiku yunu mulurumna lkisiku oku