John 6:35 - Bo-Ung NT

³⁵ Kanu-kene Yesos-ni eninindu nimba mele: “Molku konjuku mindi pungí gale na. [Ga noku kene engle naa kolku kangi tondulu pupili molemele mele aku-sipa] na molumbuna ungí yambuma eninga minéle engle naa kolumba, numanu tondulu pupili mulungí. Bo-no noku kene no waka naa kolku kapula molemele aku-mele na niliu ungma kepe moliu mele kepe manda tembu mele kepe ‘Sika’ niku tondulu munduku piliingí yambuma alsuku taki-taki minéle no waka naa lipili mulungí.

John 6:35 ပူးပေါင်းရင်းမြစ်များ

Matthew 11:28

“Eni kongun mindili siku telemele yambuma kene, numanuna buni telemú yambuma kene, na moliuna wai. Ungí kene na wasie numanu tiluna pumbaliinga na-ni ‘Numanu waengu nipili kóru molai.’ nimbú.

Luke 6:25

Eni ekupu olu telemú yambuma penga walse engle-ni kulungéliinga mindili noku molku kis-singí. Eni ekupu tae telemele yambuma penga walse eni kola tingéliinga mindili noku molku kis-singí.

John 4:15

[Yesos-ni ung-eku turum mele naa piliipaliinga,] ambale-ni yundu nimba mele: “Auliele, na no alsupa waka naa lipili, ya alsupu taki-taki ombu no naa kolambu akiliinga nu-ni no nikinele nambu si.” nirim.

John 5:40

akiliinga-pe ‘Kona molupu mindi pumulú ulu-pulele liamili.’ naa niku, na moliuna ‘naa omulú.’ niku karaye telemele.

John 6:37

Tata-ni ‘Nanga yambuma molangi.’ nimba makó tolemú yambuma pali na molumbuna ungí. Kanu-kene na lumbili andungíndu na molumbuna ungí yambumanga tiluri kepe “Anju pui.” aima naa nimbú.

John 6:41

Yesos-ni “Na mulú-koleana mandu urundu gale.” nirim piliiku kis piliikuliinga Juda yi-aulima-ni yu arerembi kolku eni-enini pulu monjuku kon-konu niku kene

John 6:65

Yu-ni ung te wasie nimba mele: “Eni mare-ni na ‘Gólu tolemú.’ niku piliilimiláliinga ‘Tata-ni “Na moliuna pai.” ni naa nilimú yambuma na moliuna kapula naa oku, na “Sika” niku tondulu munduku kapula naa piliiku andungí.’ ui nimbu sindu kanili.” nirim.

Revelation 22:17

Minéle kene [Sipsip-Walále-nga] Ambu Liimba Ambale kene elsele-ni nikulu mele: “Nu aima ui!” nilimbele. Ung ima piliimba yambale-ni “Nu aima ui!” nipili. No waka lelemú yambale upili. Yambu te ‘No nombu.’ nimba piliimba yambale ku-moni naa liipa we simba no, taki-taki kona molupa mindi puli ulu-pulele pelemú nole, omba nupili.

Revelation 7:16

Penga-penga kepe enini alsuku engle-ni naa kolku no waka naa kolku, ena-ni naa nomba, tepi mola méle te-ni eninga kangiele naa nupili mulungí.