John 19:39 - Bo-Ung NT

³⁹ Yi te, ui walse sumbulsuli Yesos mulurumna purum, wasie ung nikulu muluringli yi te, yunga bili Nikodimas, yi kanili yu Josep-kene wasie uringli. Yu unji-tálenga unji-toma liiku akili-ni kopungu mura tuli te telemele akili pulele, yunga bunele teti paip killokram mele puliele, memba urum.

John 19:39 ပူးပေါင်းရင်းမြစ်များ

Matthew 12:20

Kamaye tondulu naa pulimú te elki naa topa, tepi-llam mimi-sipa naa nolemú kene kamu topa naa kumunjumba. ‘Pulu Yili-ni yambuma kamu sumbi-sipa nokumba enale kamu wendu upili.’ nimba yunu aku-sipa naa tepa táka-nimba molumba.

Matthew 19:30

Akiliinga-pe ekupu auli molemele yambumanga pulele penga [Pulu Yili yi nuim kingele molupa nokumba koleana] yambu-korupama mulungí; ekupu korupa pupili molemele yambuma penga yambu-aulima mulungí.” [nimba Yesos-ni nirim.]

Matthew 2:11

Lkuna lkundu puku kene kangale kene anum Maria kene muluringlina puku kanuku liiring. Kanuku kene kangalenga kumbi-kerina koporungu languku ma kanuku kene yu popu toku bi paka tunjuring. Bi paka tonjuku kene enini wale meku uringma apisiku méle kaíma wendu liiku yu siring. Ku-gollu talse kene, paura kalemele kene mura tuli paura akiliinga te kene, kopungu-wel aima mura tuli te kene, méle akuma yu siring.

Mark 16:1

Ena pupa kalá turum kene [kóru muluring] ena-Sambatele omba purum kene Makdalla taon-na ambu Maria kene Jemis anum Maria kene ambu Sallomi kene enini ‘Yesos-nga ónuna kopungu-wel mura tuli mare kopungu kanjinjamili.’ niku kene mare taropu toku liiku [nosuku piring].

John 12:3

Kanu-kene LLasares kimulu Maria-ni ‘sipaik-nat’ nili kopungu-wel mingi te liipa Yesos mulurumna memba urum. Kopungu-wel kanili yunga mingi tenga manda munjili bunele ap-llita mele, kanili ku-moni aima auli-tepa purum. Liipa memba omba kene, Yesos-nga kimbuselenga kopungu kanjunjupaliinga Maria yunga pengi-lapisale liipa kimbusele kulu tunjurum. Lku-suku kopungu-wel mura aima lakupa turum.

John 12:7

[Judas-Iskeriot yu-ni aku nirim kene] Yesos-ni pundu topa kene nimba mele: “Ambale-ni tímeliinga ung te naa ni! Na kolumbu kene ónu tingéliinga kopungu kanjumbandu papu nusurum.