Hebrews 9:3 - Bo-Ung NT

³ Anjukundu múlu auli sulu te-ni pipi sirim akuna anjukundu Sulumina Aima Kake Tiliele lirim.

Hebrews 9:3 ပူးပေါင်းရင်းမြစ်များ

Matthew 27:51

Yu aku-sipa kulurum kene [ulu-auli mare] walsekale [wendu urum.] Pulu Yili popu toku kaluring lku-temboll [Jerusallem sukundu angiliirim akuna sukundu Pulu Yili mulurum] Sulumina Aima Kake Tilieliinga keri-puluna [‘Yambuma sukundu naa pangi.’ niku ui taki-taki] mulumbale auli te-ni pipi siku panjiring pirim. [Yesos kolupa pora sirim kene] mulumbale kanili ai-suku-singina olakundu mandu-sipa olá topa ulsu purum. [Aku-sipa tepa,] ma jim-jim te tepa, ku-mulú aulima topa ungku-mangku topa,

Hebrews 6:19

[Ung akiliinga ung-eku te topu sambu:] ‘Nona anduli sip te popuremi-ni nona topa memba pumba.’ niku tenga ka teku koyapu teku panjilimele. Aku-sipa oliunga minima nona anduli sip-mele. ‘Pulu Yili-ni oliu-kene “tembu” nilimú ungele gólu naa topa sika telemú temba.’ nimbu piliilimulu ulu akili minimanga ka-mele tenga ka telemú. Aku telemáliinga yunga ungele mundupu kelepu anju pupu molupu kis naa silimulu. Ka akili Pulu Yili molemú sulumina aima kake tílina, múlu auli te-ni pipi silimú, akuna sukundu pupa ka telemú.

Hebrews 9:7

Akiliinga-pe popu tunjuli yi-auli-olandupale mindi anjukundu sulumina lirimna sukundu purum. Taki-taki naa purumko. Punie tenga-tenga walsekale mindi purum. We naa purumko. Kung te topa kene memi mare memba sukundu pupa kene yu-ni ulu-pulu-kis naa piliipa walu-sipa tirim-ma kene yambuma-ni ulu-pulu-kis naa piliiku walu-siku tiringma kene numanale-ni piliipa memi akili Pulu Yili popu topa sirim.

Hebrews 9:8

‘Popu tunjuli yi-auli-olandupale yu mendepulu Sulumina Aima Kake Tili-na sukundu pupili.’ nimba ung-mani te pirim ulu akili-ni oliu liipa ora silimú mele Mini Kake Tiliele-ni nimba silimú. Akili i-sipa mele: Ui Pulu Yili popu turing sell-lkuli we angiliipili oliu Pulu Yili molemúna manda pumulú kupulanum te naa lirim mele Mini Kake Tiliele-ni nimba silimú.