Hebrews 6:15 - Bo-Ung NT

¹⁵ Aku nirimaliinga piliipa kene Eprayam [Pulu Yili-ni] yu “méle simbu” nimba, nimba panjirimele ‘Penga sika tepa konjupa kene simba.’ nimba ui enimbu naa kolupa we nokupa molupa kene sika liirim.

Hebrews 6:15 ပူးပေါင်းရင်းမြစ်များ

Hebrews 6:12

‘Eni enimbu naa kolangi.’ nimbu piliipu moliu. ‘Yambu Pulu Yili ‘Sika’ niku tondulu munduku piliiku munduku naa kelku kene Pulu Yili-ni ‘yunga kangambulama moya-mélema simbu.’ nirim mélema sirim liiring yambuma mele manda leku molangi.’ nimbu piliipu moliu.

Hebrews 9:15

[Akiliinga ung te wasie i-sipa mele: Krais-ni oliunga ulu-pulu-kismanga alko topa mindili nurum-na oliu mundu-mong naa tepu Pulu Yili-nga kongunale manda temulú] akiliinga yunga memale onde lenjipa kulurum ulu akili-ni Pulu Yili-ni ung nimba panjipa mi lirim ung-konale Yesos-ni ‘Kamu wendu omba lipili.’ nirim. Yambumanga nimba kulunjurum ulele-ni ulu tale tirim. [Te i-sipa mele:] Pulu Yili-ni nimba panjipa mi lirim ung-uiele toku pula toku yunga ung-manima liiku su siku ulu-pulu-kis tiringma Yesos-ni ‘Mania pupili. Pulu Yili akuma kanupa konde tenjipa, akumanga enini “Pundu tangi.” naa nipili. Aku tiringimanga enini mini-pali molku kis-siku mindi pungí kupulanum-na wendu wangi.’ nimba eninga nimba alko topa mindili nomba kolupa yunga memale-ni eninga pundu tunjurum. [Te i-sipa mele:] Yunga memale Onde lenjipa kulurumeliinga ung-uiele-ni nukurum yambuma Pulu Yili piliiku muluringmanga numanuma yunga memale-ni kamu lumaye tonjupa kene Yesos-ni yambumanga nimba tinjirimele-ni oliu-ni ulu-pulu-kis telemuluma omba mania pulimú, akuma Pulu Yili-ni alsupa naa piliipa molemú-na Pulu Yili yu-ni makó topa “Wai.” nilimú mele piliiku kene olemele yambuma Pulu Yili yu-ni molku konjuku mindi puli ulu-pulele kene méle kaíma kene “Nanga pulu lemba yambuma simbu.” nimba, nimba panjurum akuma simba liingí.