Hebrews 5:6 - Bo-Ung NT

⁶ Buk tenga Pulu Yili-ni ung te wasie nimba mele: “Mellekisedek mulurum mele nu-nunu aku-siku Pulu Yili popu tunjuli yi te taki-taki molkunu mindi puni.” Konana 110:4 nirim.

Hebrews 5:6 ပူးပေါင်းရင်းမြစ်များ

Hebrews 5:10

[‘Aku-sipa tepa molumba yili mulupili akiliinga ‘Pulu Yili popu tunjuli yi-auli-olandupale mulupili.’ niambu.’] nimba Pulu Yili-ni yundu ‘Yi Mellekisedek popu tunjuli yili mulurum mele nu aku-sikunu popu tunjuli yi-auli-olandupale molani.’ nimba makó turum.

Hebrews 6:20

Sulumina Aima Kake Tili kanuna yi te oliunga nimba liipa tapunjumbandu kumbi-lepa sukundu purum. Pupa kene Mellekisedek mulurum mele yu aku-sipa taki-taki oliunga ninjipa Pulu Yili popu tunjuli yi-auli-olandupale molemú. Akili Yesos.

Hebrews 7:11

[Kapula, akili piliipu pora sipu kene ekupu Yesos Krais molemú mele alsupu piliamili.] Ui Moses-ni [“I-siku ulu mare teai! I-siku ulu mare naa teai!” nimba] Isrel-yambumandu Pulu Yili-nga ung-manima simbandu ung-mani te sipa kene nimba mele: “LLipai-yambuma-ni Pulu Yili popu tunjuli kongunale teangi.” nirim. ‘Aku-siku teangi.’ nirim kene popu tunjuli yi kanuma-ni kongunale tiring mele kapula tirim lem “[Ui-pulu-pulu popu tunjuli yi-auli-olandupa] Eron-ni kalupa liirim popu tunjuli yima mele ekupu aku-sipa yi te naa mulupili. Mellekisedek mele yi te ekupu mulupili.” nirim akili nambimuna nirimye? [Popu tunjuli yi kanuma-ni yambumanga niku tinjiringeliinga yambuma-ni ulu-pulu-kísima numanuna we pirimeliinga Pulu Yili-nga kumbi-kerina kapula naa puringeliinga Pulu Yili-ni aku-sipa nirim.]

Hebrews 7:15

Ekupu yi kona te popu tonjupa molemú aima mokeringa lelemú-na kanokumulu akili ‘Mellekisedek yu mulurum mele aku-sipa yu popu tunjuli yi te-lupa, popu tunjuring LLipai-yi akuma lupa.’ nimbu akili kapula sumbi-sipu nimbu kanupu kene [‘Ui Pulu Yili popu turing kupulanumele mandupa; ekupu oliu Pulu Yili popu tomulú kupulanum olandupale wendu okum.’ nimbu sumbi-sipu kanokumuluko.]

Hebrews 7:17

Pulu Yili-ni yundu ui ung te nirim. Yu-ni nimba mele: “Mellekisedek mulurum mele nu-nunu aku-sikunu Pulu Yili popu tunjuli yi te taki-taki molkunu mindi puni.” Konana 110:4 nirim.

Hebrews 7:21

akiliinga-pe ‘Yesos Pulu Yili popu tunjuli yi te mulupili.’ nimba Pulu Yili-ni [“Aima sika niker.” nimba] mi lirim. Yu-ni yundu nimba panjipa kene “Auliele-ni yunga bili yu-yunu lepa “Aima sika niker.” nimba mi lepa kene “Nu popu tunjuli yi te mollu mele taki-taki aku-sikunu molkunu mindi puni.” nimba, nimba panjipa mi lirim. Yu penga numanu alowa tepa ung te-lupa aima naa nimbá.” Konana 110:4 nirim.

Hebrews 7:3

Yunga ‘Temanele bukna tunjurum yili-ni yunga anum lapaselenga bisele naa topa, yunga anda-kolepa tenga bili kepe naa tunjurum. Yu miring enale kepe naa tonjupa, kulurum enale kepe naa tunjurum. Yu-ni popu tunjuli yili mulurum mele walse mundupa kilirim ung te bukna naa tunjurum naa piliilimuláliinga yu Pulu Yili-nga Málale taki-taki kona molupa mindi pulimú mele yu aku-sipa mele mulurum.’ nimbu piliilimulu.

Hebrews 7:8

[Akiliinga ung te wasie pelemú akili i-sipa mele:] LLipai-yima-ni Isrel-yambumanga méle rurepunga-tale rurepunga-tale niku nusiring mélemanga tilu-tilu niku liiring yima kuluring, akiliinga-pe Eprayam-nga ele tepa liirim mélemanga rurepunga-tale rurepunga-tale nimba mirimumanga tilu-tilu nimba liirim yili Pulu Yili-nga bukna yu kulurum ung te nimba naa molemú, akili piliilimuluko.