Hebrews 2:6 - Bo-Ung NT

⁶ Aku mólu. Pulu Yili-nga bukna [yambuma-ni ma penga wendu ombále nukungíma] ung te nimba sipa kene nimba mele: “[Pulu Yili,] nu-ni oliu yambuma nambulka mélema numanale-ni liiku mundukunu kene oliu kanukunu bi silluye? Mana-yambuma-ni melemele yambuma nambimuna nu-ni kondu kolkunu nokolluye?

Hebrews 2:6 ပူးပေါင်းရင်းမြစ်များ

Luke 1:68

“Auliele, Isrel-yambumanga Pulu Yili, yu kape nimbu bi paka tunjamili. Yu omba yunga yambuma tepa liipa buni te-ni enini ambulurumeliinga mindili noku muluring buni kanuna wendu líímeliinga piliipu kene yu kape nimbu bi paka tunjamili.

Luke 1:78

Pulu Yili-ni oliu kondu lakupa kolupa kene oliu sumbulú túlina molupu kululi kupulanum-na molomulúma numanu waengu nipili molomulú kupulanum-na ‘Kapula kanuku pangi.’ nimba ‘Pa tinjipili.’ nimba oliu molemuluna talangele liipa mundukum.” nimba Sekaraya-ni nirim.

Luke 7:16

Yesos-ni aku-sipa tirimeliinga yambuma-ni mundu-mong teku kene niku mele: “Pulu Yili-nga ung “Ninjui.” nimba, nimba silimú ungma piliipa yambuma nimba sili yi-auli te oliu molemuluna wendu um lam.” niku Pulu Yili yunga bili paka tonjuku kene niku mele: “Pulu Yili yunga yambuma molemelena omba liipa tapunjum.” niring.

1 Thessalonians 4:6

Yima, eninga angenali ‘Tepu kis naa samili.’ niku ulu-pulu-kis akili naa teku, eninga angenalinga ambuma kene ‘Wasie piamili.’ niku kundi naa tai. ‘Nanga angineliinga ambale.’ niku ambale yu-kene ulu te naa teai. Oliu-ni ui eni nimbu sipu lip-lipi turumulu mele aima sika nirimulu. “Ulu-pulu-kis mele ulu akuma tingí yambuma Pulu Yili-ni aku tingéliinga “Mindili nangi.” nimbá.” nimbu ui lip-lipi topu nirimulu kanili.

Hebrews 4:4

Pulu Yili-nga bukna ung te molemú mele piliipaliinga [‘Numanu táka-nimba pípili mululi ulu-pulele Moses naa mulupili ui pirim.’ nimbu piliilimulu.] Bukna molemú ung akili-ni ena angere yupuku-guli sipalendu nimba mele: ‘Ena angere tale-guli Pulu Yili-ni kongunuma tepa pora sipa kene ena angere yupuku-guli sipaliinga múlu liipa kóru mulurum.’ Ui-Pulu-Pulu 2:2 nimba molemú.

Hebrews 5:6

Buk tenga Pulu Yili-ni ung te wasie nimba mele: “Mellekisedek mulurum mele nu-nunu aku-siku Pulu Yili popu tunjuli yi te taki-taki molkunu mindi puni.” Konana 110:4 nirim.