Hebrews 10:5 - Bo-Ung NT

⁵ [Penga kungma toku Pulu Yili popu toku kaluringmanga memima-ni yambumanga ulu-pulu-kísima numanuna pirim-ma kapula kamu lumaye naa tunjurum]-na piliipaliinga Krais ma-koleana ombá tepa kene [Pulu Yili-ndu] nimba mele: “Kung toku nu popu toku kalku siringma kene, méle nu we siring mélema kene, numanu naa monjuku kene nu-ni na “Yambumanga nikunu ma-koleana kolunjani pui.” nikunu bo-kangi te teku nusurinele sikenu.

Hebrews 10:5 ပူးပေါင်းရင်းမြစ်များ

Matthew 11:3

Yi kanuma Yesos mulurumna oku yu walsiku piliiku niku mele: “Pulu Yili-ni oliu nokupa konjumba yi te “Liipu mundumbu.” nimba, nimba panjurum yili ‘Ombá.’ nimbu nokupu molemulu kanili nu mola te-lupa ombáliinga nokupu molamiliye?” niring.

Luke 1:35

Angkellale-ni yundu nimba mele: “Nu mulunina Aima Olandupa Yili-nga Mini Kake Tiliele omba nunga oluna kang te monjunjumba. Aku temba akiliinga kang nu-ni minéle yu kang kake tiliele molumba; yunga bili leku kene ‘Pulu Yili-nga Málale’ ningíko.

Luke 7:19

“[Pulu Yili-ni oliu nokupa konjumba yi te] “liipu mundumbu.” nimba, nimba panjurum yili ‘Ombá.’ nimbu nokupu molemulu kanili nu mola te lupa ombále nokupu molamiliye?” nirim.

John 1:14

Ungele [Pulu Yili kene wasie muluringliele] mania omba mana-yi au talupa oliu-kene wasie ena laye-kolte mulurum. Yu mana omba mulurum kene nem-nemi nimbu kanupu kene, yu yi aima kaí, bi molemú yi tondulale, kanupu piliirimulu. Yi aima kaí tondulu kanili Málu tiluele mulurum Lapa mulurumna yu-kene wasie molkulu kene mana-mania urumeliinga yu yi aima kaíele, bi aima ola mululi yi tondulale mindi kanupu piliirimulu. Yu we kondu kululi ulu-pulele kene ung-sika nili ulu-pulele kene yunga numanuna pepa peka turum yili.

Galatians 4:4

Akiliinga-pe Pulu Yili-ni ui yu-yunu numanale-ni piliipa makó turum enale wendu urum kene yu-ni yunga Málale liipa mana-mania mundurum akili [Moses-ni “I-siku teai! I-siku naa teai!” nimba] ung-mani sirimuma-ni nukurum yambu-talapena suku ambu te-ni mirim.

1 Timothy 3:16

Ui Pulu Yili-nga ung te yu-ni mani sirim ung mo turumele ekupu mokeringa nimba para sirim ung akili-ni oliu Pulu Yili-nga yambuma molupu yu-ni kanupa kaí piliilimú uluma temulú mele liipa ora silimú ung akiliinga ulu-pulele aima tondulale, yambuma-ni ung akiliinga pulele manda toku mania naa mundungí. Ung-pulu akili i-sipa mele: Yu mana-yi te omba mokeringa mulurum. Yu ulu-kaíma tepa molupa kunjurum mele Minéle-ni liipa ora sirim. Mulú-koleana angkellama-ni yu kanuring. Yunga temanele ma-koleana pali [yunga yambuma-ni] toku silsiliiku anduring. Yambuma temani kanili piliiku kene ‘Sika’ niku tondulu munduku piliiring. Pulu Yili-ni yu mulú-koleana olandu liipa, yu ui yi-tondulale mulurum kolea tondulu talang púlina memba pupa munjurum.

Hebrews 1:6

Yunundu ung te wasie nirimko. Yunga kang-komulayele mana liipa mandu mundupa Pulu Yili-ni yunga angkellamandu nimba mele: “Kangale popu toku kape niku yunga bili paka tonjai.” nirim. Ung akuma piliipuliinga ‘Málale olandupa, angkellama mandupa.’ nimbu piliilimulu.

Hebrews 10:10

Pulu Yili-ni yundu “Ti.” nirim ulele piliipa liipa kene [Yesos Krais-ni] ‘Teambu.’ nimba omba yunga kangiele walsekale mindi yu-yunu kamu Pulu Yili popu topa sirimeliinga [Pulu Yili-ni kanupa kaí piliipa kene] oliunga ulu-pulu-kísima mundupa kelenjipa ‘oliu yunga yambu kake tílima molangi.’ nirim.

Hebrews 10:7

Kung kaluring akuma numanu naa munjuruneliinga na-ni nimbu mele: “Pulu Yili, na ya moliu kanui. Nu-ni nandu “Teani pui.” nirinu mele ‘Teambu.’ nimbu [nanga kangiele yambumanga nimbu nu popu topu simbu] ombú teker. Na-ni aku-sipu tembu mele ui bukna turing molemú kanili.” nirindu.” Konana 40:6-8 nirim.

Hebrews 10:8

[Sika Pulu Yili-ni yu-yunu yambumandu “Teai.” nimba ung-mani sirim mele piliiku kene tingíndu kungma kalku yu siring akiliinga-pe] Krais-ni nirim mele niker ung akiliinga ui Krais-ni nimba mele: “Kung toku nu kalku siringma kene, méle nu we siring mélema kene, ‘Tepi-ni nomba pora sipili.’ niku kaluring kungma kene, ‘Ulu-pulu-kis numanuna pelemúmanga kalupu sikemulu.’ niku kaluring kungma kene, akuma kanukunu kene nu numanu naa sikunu kanuku kis piliirinuko.” Konana 40:6 nirim.

Hebrews 2:14

Kangambulamandu [‘Nanga anginipilima’] nirim akili mana-yambumandu nirim, akiliinga, Yesos yu ‘enini-mele molambu.’ nimba mana-yi au talupa mulurum. ‘Eninga nimbu kolunjupu kene kululi ulu-pulele nokulemú yili topu mania mundambu.’ nimba aku-sipa mana-yi au talupa kene kulurum. Kululi ulu-pulele nokulemú yi akili [kurumanga nuim] depollale.

Hebrews 5:7

[Krais-nga ung te wasie i-sipa mele:] Yesos ya ma-koleana molupa kene Pulu Yili-ni “Ti.” nirim mele táka-nimba piliipa liipa tepa ‘Yunga bili mania mulupili.’ nirimaliinga yu kolumba kupulanum-na manda wendu liinjimba [Pulu] Yili kene ung nimba tondulu mundupa walsipa kola tepa mawa tirim kene mawa tirim mele Pulu Yili-ni piliirim.

Hebrews 8:3

[Yu mulú-koleana angiliimú sell-lkuliinga sulumina akuna telemáliinga pulele i-sipa mele:] Pulu Yili popu tunjuli yi-auli-olandupama-ni [Moses-ni “I-siku teai.” nimba sirim ung-manele-ni nirim mele piliiku kene tingíndu] Pulu Yili popu toku we-mélema kene kung kalúlima kene meku oku siring, akiliinga, yi Pulu Yili popu tunjuli yi-nuim auli-olandupa [penga urum yi Yesos] niker akili-ni Pulu Yili popu topa [memi pili] méle te naa silkanje kapula naa telka akiliinga yu-ni kepe méle te popu topa sirimko.

1 Peter 2:24

Yu-ni [oliu mana-yambuma pali] oliunga ulu-pulu-kísima ‘Nangama.’ nimba kene akuma yu-yunu memba unji-perana kulurum. Aku tirimeliinga pulele i-sipa mele: ‘[Yambu te kolemú kene alsupa mana-uluma manda naa telemú aku-sipa mele] oliu yambu kululima mele molupu kene ulu-pulu-kísima temulú kupulanum te naa lipili. Kamu mundupu kelepu naa teamili. ‘Pulu Yili-ni ulu sumbi-nili nimba kanolemú uluma mindi temulundu yambu konama molamili. Ulu kanuma mindi teamili.’ nimbu numanu liipu mundupu molamili.’ nimba yu-ni aku tirim. Yambuma-ni yu turingeliinga eni [pepá topu siker yambuma] kona puring.

2 John 1:7

Gólu toku yambu kiáki teku niku, “Yesos Krais mania omba mana-yi au talurum.” naa nilimele yambu pulele koleamanga pali anduku molemele. (Akiliinga “Oliu oliuliu anju-yandu yambuma numanu monjamili.” nimbu pepá tokur.) Yambu akuma gólu toku yambu ung-kundi tolemele yambuma, Krais-kene ele-túma molemele.