Hebrews 1:8 - Bo-Ung NT

⁸ Akiliinga-pe Pulu Yili-ni Málundu nimba mele: “Pulu Yili, nu taki-taki yi nuim kingele mollu mele molkunu mindi puni. Nu-ni ulu sumbi-nílima tekunu yambuma nukuni.

Hebrews 1:8 ပူးပေါင်းရင်းမြစ်များ

Matthew 1:23

“Piliai. Ambu-wenipu te-ni kangambula monjupa kene kang te membá. Kanu-kene yunga bi leku “Imanuel” ningí.” Asaya 7:14 nirim. Bi ilinga ung-pulele ‘Pulu Yili oliu-kene molemú’.

John 10:30

Na kene Tata kene olsu tiluele.” nirim.

John 10:33

Juda yi-aulima-ni pundu toku niku mele: “Ulu-tondulu tirinumanga nu ku-ni topu konjumulú naa tekemulu. Nu we-mana-yili-ni Pulu Yili ung-taka tonjukunu nu-ni nikunu mele: “Na Pulu Yili.” nillu, akiliinga nu ku-ni topu konjumulú tekemulu.” niring.

John 20:28

Tomas-ni yundu nimba mele: “Nanga Auliele, nanga Pulu Yili.” nirim.

Romans 9:5

Kumbi-lepa anda-kolepa yi-aulima Isrel-yambuma eningako. Pulu Yili-ni ‘Enini molupa konjumba yi te liipu mundumbu.’ nimba makó turum yi-nuim Kraisele mana-yi molumbandu anda-kolepalima-ni yandupa kalku liiring yambu te-ni yi-nuim Kraisele yu mirim kilia yunu eninga talapena suku mulurumko. Yu mélema pali nokupa molemú Pulu Yili. Yu taki-taki kape nimbu enembu naa kolupu bi paka tunjamili. Aku-sipa tipili.

1 Corinthians 15:25

[Uluma aku-sipa wendu ombá nikereliinga pulele i-sipa:] Pulu Yili-ni yunga ele-túma pali topa mania mundumbandu ui Krais yu yi nuim kingele molupa mélema pali nokumba.

1 Timothy 3:16

Ui Pulu Yili-nga ung te yu-ni mani sirim ung mo turumele ekupu mokeringa nimba para sirim ung akili-ni oliu Pulu Yili-nga yambuma molupu yu-ni kanupa kaí piliilimú uluma temulú mele liipa ora silimú ung akiliinga ulu-pulele aima tondulale, yambuma-ni ung akiliinga pulele manda toku mania naa mundungí. Ung-pulu akili i-sipa mele: Yu mana-yi te omba mokeringa mulurum. Yu ulu-kaíma tepa molupa kunjurum mele Minéle-ni liipa ora sirim. Mulú-koleana angkellama-ni yu kanuring. Yunga temanele ma-koleana pali [yunga yambuma-ni] toku silsiliiku anduring. Yambuma temani kanili piliiku kene ‘Sika’ niku tondulu munduku piliiring. Pulu Yili-ni yu mulú-koleana olandu liipa, yu ui yi-tondulale mulurum kolea tondulu talang púlina memba pupa munjurum.

2 Peter 1:11

[Aku-siku teku mulungí kene] oliunga Auliele, oliunga ninjipa Tepa Liipa, Mindili Nolkumula Kupulanum-na Wendu Liili-Yi Yesos Kraisele, yu yi nuim king molupa nokupa mindi pumba kolea akuna “Molamili. Sukundu wai.” nimba numanu sipa kuna liipa nosunjumba.

1 John 5:20

Ulu te piliilimuluko. Akili i-sipa mele: ‘ ‘Yu sika yi molemále molupa numanale-ni piliilimú mele oliu piliamili.’ nimba Pulu Yili-nga Málale omba oliu piliipa kungnjuli sirim. Oliu sika yi molemále-kene numanu tiluna pupili tapú-topu molemulu, yunga Málu Yesos Krais yu-kene kepe wasie tapú-topu molemuluko. Pulu Yi ili Pulu Yi Sikale, taki-taki kona molupa mindi puli ulu-pulele pelemú yili.’ nimbu piliilimuluko.