Ephesians 6:14 - Bo-Ung NT

¹⁴ Akiliinga, ‘Oliu topa mania naa mundupili. Tondulu mundupu angiliamili.’ niku ung-sikama kamirika toku, ulu sumbi-nílima kapa-ni tili wale-pakuli mele pepelina pakuku,

Ephesians 6:14 ပူးပေါင်းရင်းမြစ်များ

Luke 12:35

“[Na lumbili andúlima,] eni ‘Auliele ekupu ombánje.’ niku mulumbalema talku, kamirika toku, kamaye kanduku, molai.

Romans 13:12

Sumbulele pora nimbá tepa, kolea tangumba tekemaliinga sumbulú tolemú kene telemele ulu-puluma mundupu kelepu, pa tílina ele telemele mélema liipu panjamili.

2 Corinthians 6:7

sika ungma nimbu, Pulu Yili-nga tondulale-ni kongun teliu; yambuma ele tingíndu ele kupanda mélema kima ekendu-ekendu gi siku ambululimele mele na aku-sipu ulu sumbi nílima ambololiu;

Ephesians 5:9

(Pa tilieliinga ulu-puluma i-sipa mele: ulu kaíma kene ulu sumbi-nílima kene ung-sikama kene kanili.)

Ephesians 6:13

Akiliinga, Pulu Yili-ni ele tili méle silimúma pali liiku pakuku ambolku molai. Aku tingí kene buni-enama wendu ombá kene eni manda tondulu munduku angiliiku ele kapula tingí. Kanu-kene ena mare ele wela pora naa nimba ele-túma wela toku mania naa munduku kene we naa molku ele-tapu tingíndu tondulu munduku angiliangiko.

1 Thessalonians 5:8

Akiliinga-pe oliu tanguli molemulu yambuma molemuláliinga numanu-bo pípili molamili. Ami-yima enini ‘olkundu naa tangi.’ niku wale-pakuli kapa-ni tílima pakolemele mele oliu aku-sipu [‘Yesos-nga temanele sika.’ niku] tondulu munduku piliili ulele kene, numanu munjuli ulusele tondulu mundupu ambolamili. ‘Pengina naa tangi.’ niku wanie kapa-ni tílima pakolemele mele oliu aku-sipu ‘Yesos-ni sika yunga yambuma tepa liipa, mindili nolkumula kupulanum-na wendu liipa, yu-kene wasie molku kunjingí kupulanumele liipa monjulemú.’ nimbu numanu sipu nokupu molemulu ulele aima ambulupu gi samili. ‘[Kurumanga nuim Seten-ni oliu tepa kis naa sipili akiliinga molupu konjamili. Kundi tuli ulu te-ni oliu topa mania mundumba.’ nimbu aku teamili.]

1 Peter 1:13

Akiliinga, eninga numanuma ‘kongun tondulu mundupa tipili.’ niku liiku sumbi-siku, ulu tingíma mimi-siku piliiku kongnjuku teku, ‘Yesos Krais penga omba mokeringa angiliimba kene [Pulu Yili-ni] eni sika we kondu kolupa kene tepa konjumba.’ niku tondulu munduku piliiku nokuku molai.

Revelation 9:17

Kung-osuma kene osumanga bulu-mingina-ola muluring yima kene kanurundu akili i-sipa mele: ‘Pepeli-ombelena mera naa mulupili.’ niku wale-pakuli kapa-ni tílima pakuring akuma mare kundúlima pakuku, mare múkuma pakuku, mare wandiya tílima pakuring. Kung-osumanga pengima lopa-pus llayon pengima mele tepa, tepi kene ikilia kene ku-sallpa tepi-ni nuli kene akuma eninga kerimanga wendu urum.

Revelation 9:9

Ami-yima ele tingíndu wale-pakuli kapa-ni tílima pepeli-ombelena pakolemele mele kumba kanumanga oluna aku-sipa mele tepa, ele tingíndu kung-osu-ni kar kundupa lkisipa omba pulimú kene ung nilimú mele aku-sipa eninga puma ung nirim.