Ephesians 5:29 - Bo-Ung NT

²⁹ Yambu te-ni yunga kangiele kanupa kis piliipa nokupa naa konjulimúye? Krais-ni yunga yambu-talapele nokupa konjulimú mele aku-sipa yambu te-ni yunga kangiele nokulemú kanili.

Ephesians 5:29 ပူးပေါင်းရင်းမြစ်များ

Matthew 23:37

[Aku nimba kene Yesos-ni Jerusallem muluring yambuma kondu kolupa akilindu ung te nimba kene nimba mele:] “O Jerusallem [yambuma], Jerusallem [yambuma], Pulu Yili-ni “Ninjai!” nimba ung nimba sirimuma piliiku yambuma niku siring yima toku konjuku, yu-ni yambuma ‘liiku tapunjangi.’ nimba eni muluringna liipa mundurum yima ku-ni toku konjuku telemele yambuma, kera-kulla anumele-ni yunga walúma [tepa liimbandu] liipa yunga puna mo topa nokulemú akili mele na-ni wale pulele eni aku-sipu nokulka akiliinga-pe eni-enini “Mólu!” niring.

Matthew 6:26

Kerama kanai. Langi te talku kene tepa tolemú kene liiku meku lkundu puku nosuku naa nolemele akiliinga-pe eni yambumanga mulú-koleana molemú Lapale-ni kerama langi silimú. Kerama we-mele, eni yambuma olandupaliinga yu-ni eni naa nokumbaye?

Romans 1:31

Eninga numanu kaí te naa pípili molku, ulu te “aku-sipu teamili.” niku, niku panjiku kene naa teku, eninga anginipili lapalii yambuma numanu naa monjuku, we-yambuma kondu naa kolku teku kis-siku, aku telemele.

Ephesians 5:28

Aku-siku mele yima-ni eninga kangima numanu monjuku kene nokolemele mele eninga ambuma numanu munjingí kene kapula. Yi te-ni yunga ambale numanu monjulemú akili yu-yunu numanu monjulemú.

Ephesians 5:30

Oliu Krais-nga kangieliinga mong kimbu ki mélema molemulu-na [oliu yunga yambu-talapele aku-sipa nokupa konjulimú].

Ephesians 5:31

[‘Yi te-ni yunga ambale numanu monjulemú akili yunga kangiele numanu monjulemú.’ niker] akiliinga pulele Pulu Yili-nga bukna i-sipa mele ung te molemú: “[Pulu Yili-ni ambale kene yili kene aku-sipa tirimeliinga] yi te-ni anum lapasele mundupa kelepa yunga ambale kene pekulu elsele kangi tiluele mele mulunglí.” Ui-Pulu-Pulu 2:(23-)24 nimba molemú kanili.