Ephesians 5:24 - Bo-Ung NT

²⁴ Krais-nga yambu-talapele-ni ‘Krais nanga Auliele-ni na nokulemú.’ nimba yunga ungele táka-nimba piliipa liipa molemú mele ambuma-ni aku-siku eninga yima ‘Oliu nokangi.’ niku eninga ungma pali taki-taki piliiku liiku molai.

Ephesians 5:24 ပူးပေါင်းရင်းမြစ်များ

Luke 10:17

[Walse] Yesos-ni liipa mundurum yi tokapu yupuku yunu mulurumna aima numanu siku yandu oku kene enini yunundu niku mele: “Auliele, oliu-ni nunga bili lepuliinga kuruma kepe oliu-ni ung nirimuluma piliiku liiku tiring.” niring.

Ephesians 5:23

Krais yu yunga yambu-talapeliinga Tepa Liipa Mindili Nolkemela Kupulanum-na Wendu Liili Yili molupa, yambu-talape kanili yunga kangiele, yu kangieliinga pengale molupa yunga kangiele nokulemú, aku-sipa yima enini ambumanga pengima akiliinga ambuma-ni aku-siku teai.

Ephesians 5:25

Eni-yima, Krais-ni yunga yambu-talapele aima numanu monjupa kene yunga nimba alko topa kulunjurum aku-siku mele eni-yima-ni eninga ambuma numanu monjai.

Ephesians 5:33

Akiliinga-pe ung akiliinga sumbi-sipa ung-pulu te eninga pelemúko. Eni yima lupa-lupa numanu monjulemele mele eninga ambuma aku-siku numanu monjai. Ambuma-ni eninga yima-ni ningí ungma liiku ai siku enini teku konjuku molai.

Colossians 3:20

Kangambulama, eni aminiali laniali-ni ningí ungma pali taki-taki piliiku teng panjiku teku molai. Ulu akili Auliele-ni kanupa kaí piliilimú.

Colossians 3:22

Méle kaluli te naa liiku kongun we tinjili kendemande-yambuma, eninga kongun nokolemele mana-yambuma-ni ningí ungma pali piliiku liiku teai. ‘Nukuli yambuma kanuku molangi kongun tepu konjumbu kene kanuku kene kape niangi.’ niku kongun naa teai. Auli [Krais-nga] ungele liiku ai-siku piliiku liiku telemele mele aku-siku kongun nukuli yambuma-ni “Teai.” ningí ungma piliiku liiku kongun numanu siku teku konjai.

Titus 2:7

nu-nunu ulu telluma enini kanuku manda leku tingí ulu-kaíma mendepolu ti. ‘Yambuma-ni na kape niku ku-moni sangi.’ nikunu mani naa si. ‘Ungma yambuma mani sambu.’ nikunu kene numanale-ni piliiku konjukunu ung sumbi-nílima mindi nikunu gólu naa tokunu, ‘Yambuma tae teangi.’ nikunu ung-ururimi tokunu kara naa pui.

Titus 2:9

Ku-moni naa liiku kongun we tinjili kendemande-yambuma mani sikunu kene nikunu mele: “Eninga nukuli yimanga ungma táka-niku piliiku liiku, enini kanuku kaí piliiku numanu singí kongunuma mindi teku, ningí ungma karaye naa teku enini-kene tombulku naa niku,