Acts 5:38 - Bo-Ung NT

³⁸ Ui aku-sipa tirim akiliinga ekupu eni yi ima-kene tingí mele niambu. Eni yi ima-kene ulu te naa teai, we pangi munduku kelai. Yi ima eni-enini numanale-ni piliikuliinga ‘Teamili.’ niku tíngi lem ulu te naa tepa we pora nimbá.

Acts 5:38 ပူးပေါင်းရင်းမြစ်များ

Matthew 15:13

Akiliinga-pe Yesos-ni pundu topa [ung-eku topa Perisi-yima muluring mele nimba kene] nimba mele: “Nanga mulú-koleana molemú Lapale-ni langi-bo naa panjurum-ma pali pulu ukumba.

Mark 11:30

[Na-ni i-sipu eni walsiker:] Ui [No-Liinjili] Jon omba yambuma no liinjirim kene yunu mulú-koleana [molemú yilinga] kongunale tenjimbandu yambuma no liinjirim mola ya mana-yambumanga kongunale tenjimbandu yambuma no liinjirimuye? [Nae-ni “Ti.” nirim-na tirimuye?] Niku sai.” nirim.

John 11:48

“Oliu-ni yu aku-sipa [ulu-tonduluma] tepa mulupili mundupu kilímulu lem yambuma aima pali ‘Yunu-ni “moliu” nilimú mele sika akili molemú.’ niku tondulu munduku piliiku kene [yu lumbili andungí] kene Rom-gapmanale-ni oliu [Juda-yambuma]-kene ‘Ele tomulú.’ niku piliiku kene, oku oliunga Pulu Yili popu topu kalemulu lku-tembollale toku tekisiku oliunga yambuma toku bulu-bale siku mundungí.” niring.

Acts 5:35

Kanu-kene meku pena puring kene yunu-ni kanjoll-yimandu nimba mele: “Eni Isrel-yima, eni yi ima tingí mele ui piliiku konjai.

1 Corinthians 3:19

Mana-yambuma-ni piliiku kene ‘Akili piliipa kungnjuliele.’ niku piliilimili mele Pulu Yili-ni kanupa kene ‘Kelep tuli ulele.’ nimba kanolemú. Akiliinga ung te yunga bukna molemú, akili i-sipa mele: ‘Yambu mare-ni yambuma teku kis-singíndu eninga numanuna piliipa kungnjuli pelemále-ni uluma telemele akiliinga-pe telemele ulu akuma Pulu Yili-ni kanupa kene ‘Aku piliiku kene tekemelaliinga eni-enini milu leku numi suku mundukumele.’ nimba kanolemú.’ Jop 5:13 nimba bukna molemú kanili.