Acts 17:28 - Bo-Ung NT

²⁸ Niker akiliinga eninga yi mare numanale-ni piliiku konana turing yimanga yi te-ni turum konanaliinga sukundu nimba molemú mele i-sipa: ‘Yunu oliu-kene molemáliinga oliu molemulu mele molemulu. Oliu kona molemulu ulu-pulele yunu-ni mindi sipa, kupulanum andupu kangiele-ni uluma telemulu tonduluma yunu-ni mindi silimú.’ nimba molemú kanili. Yi te-ni konana te turum, konana kaniliinga ung-pulu te nimba pelemú akili i-sipa mele: ‘Oliu kepe yunga kalupa liirimuma molemulu.’ nimba molemú. [Eninga yi kanuma-ni uinga konanale piliiku niring akili mele kene, na-ni ekupu niker akili kene, tilu-sipa mele.]

Acts 17:28 ပူးပေါင်းရင်းမြစ်များ

Luke 20:38

Pulu Yili yunu kululi yambumanga Pulu Yili mólu. Yunu yambuma pali kona molemele kanupa kene yu kona mululi yambumanga Pulu Yili.” nimba Yesos-ni nirim.

Luke 3:38

Kenan lapa Inos. Inos lapa Set. Set lapa Adam. Adam lapa Pulu Yili. Adam yu Pulu Yili-nga málale.

John 11:25

Yesos-ni yundu nimba mele: “Yambu lomburuku ola mulungí ulu-pulele kene kona mululi ulu-pulele kene ulu akuselenga pulele na.” [nirim.] “Na moliu niker mele ‘Sika’ nimba tondulu mundupa piliilimú yambale kolupa kene kona molumba.

John 5:26

[Mélema] kona mululi ulu-pulele Lapale-kene pelemú mele aku-sipa Lapale-ni ‘[Mélema] kona mululi ulu-pulele Málale-kene pípili.’ nirimko.

Colossians 1:17

Mélemanga pali yu kumbi-lepa mulurum; mélema pali yunga tondulale-ni wendu urum; pe ekupu Krais yunga tondulale-ni-ko mélema pali wendu olemú.

Titus 1:12

Kolea Krit-yi kanumanga piliipa kungnjuli pirim yi te-ni ui nimba mele: “Krit-yambuma taki-taki gólu toku, méle-takarama mele yambu kísima molku, langi pulele noku kongun naa teku enembu kolku we molemele.” nimba eninga yi te-ni nirim kanili.

Hebrews 1:3

[Enale talang pulimú mele aku-sipa] Málale talang pulimú akili-ni Pulu Yili-nga talang tondulu mundupa pulimú talang puliele oliu liipa ora silimú. Pulu Yili molemú mele Málale aku-sipa molemú. Málunga ung tondulale-ni mélema pali kapula molemele. Yu-ni ‘oliunga ulu-pulu-kísima omba mania pupili, oliu yambu kalaru naa mulúlima molangi.’ nimba kongun tepa pora sipa kene [mélema pali nokumbandu] mulú-koleana Yi Nuim King Auli Olandupaliinga ki-bokundu pupa mulurum molemú.

Hebrews 12:9

Ili piliangiko: Oliu kangambulama mulurumulu kene oliunga ya mana-lapaliima-ni ‘Molku konjangi.’ niku mindili liiku siku mani siring kene oliu-ni eninga ungma liipu ai sipu táka-nimbu molupu ‘Papu tekemele.’ nimbu mulurumulu. Aku lem oliunga minima kene numanuma kene nokulemú Lapale-ni oliu mani silimú kene ‘Taki-taki kona molupu konjupu mindi pamili.’ nimbu kene yunga ungele aima olandupa piliipu liipu táka-nimbu mulúmulu lem kapulako.

Hebrews 2:11

[Yu-ni Pulu Yili-nga kangambula pulele manda mulú-koleana memba pulimáliinga pulele i-sipa mele:] Yu kene enini kene yambu-talape tiluele. Yi te-ni yambuma liipa tapunjupa ‘Pulu Yili-ni kanupa ‘yunga yambu kake tílima’ nimba piliipili.’ nilimú yili kene yi kanili-ni yambuma liipa tapunjilimú-na enini Pulu Yili-ni kanupa ‘nanga yambu kake tílima’ nimba piliilimú yambuma kene oliunga Lapa tiluele. Akiliinga, yu-ni eninindu “Ang” nimbándu pipili naa kolemú.