2 Timothy 4:21 - Bo-Ung NT

²¹ ‘Kolea alí telemú kaliimbuma ui wendu naa upili na moliuna wambu.’ nikunu kupulanum te tondulu munduku korukunu kene ui. Yupullas kene Pudens kene LLainas kene [ambu] Kollodia kene [oliunga] anginipilima [Krais-nga] yambuma-ni pali “Nu kapula molluye?” nikimili.

2 Timothy 4:21 ပူးပေါင်းရင်းမြစ်များ

Luke 12:58

Nu kot tenjimba temba yambale ‘Kapula-kapula molambili ulu te teambu.’ niku kene wela ti. Aku-sikunu naa tinu lem nu kot tenjimba yambale-ni nunga kot piliimba yili molumbana memba pupa simbanje? Penga kot piliimba yili-ni nu ka-lku nukuli yili liipa simba, yunu-ni nu ka-lkuna liipa mundumba.

1 Corinthians 16:20

Oliunga anginipili ya [Epesas] molemele yambuma-ni pali “Eni kapula molemeleye?” nikimili. [Pulu Yili-nga yambuma telemele mele] eni-enini anju-yandu “Manda molemeleye?” niku kanglku kondu kolai.

2 Corinthians 13:13

Pulu Yili-nga yambu kake tili ya molemelema-ni pali “Eni kapula molemeleye?” nikimili.

Philippians 4:22

Pulu Yili-nga yambuma pali, Rom-Gapman-Yi Aima Auli Kumbina Sisale-nga lkuna pelemelé yambuma kene wasie, enini “Eni kapula molemeleye?” nikimiliko.

2 Timothy 1:4

Nu ui kola tirinu mele alsupu piliipu kene ‘Na numanu auli-tepu sambu. Nu kanambuka!’ nimbu piliiliu.

2 Timothy 4:13

Uní kene kupulanum-na okunu kolea-auli Toras okunu kene, alí-wale-pakuli kene buk mare kene kungmanga kilu-ni tili bukma kepe, Kapas-nga lkuna nusurundu lelemú akuma liikunu meku ui. Kungmanga kilu-ni tili buk [aima kaí, ku-moni auli-tepa púlima] aima apera naa sikunu liikunu meku ui.

2 Timothy 4:9

Yi Dimas-ni na mundupa kelepa purum yili yu ma-koleana-uluma ola-kilia numanu monjupa kene kolea-auli Tesallonaikandu purum. Yi Keresen kolea Gallesia propinj pupa, Taitas kolea Dallemesia distrik purum. LLuk mindi ya na-kene wasie molembuláliinga nu na moliuna kupulanum te aima korukunu kene wela nondupa ui. Mak-ni na kongun kapula liipa tapunjupa tembaliinga “yu upili” nikunu liiku mekunu wasie wangli.

Titus 3:12

Na-ni yi Atemas mola Tikikas nu mulunina “Pui.” nimbu liipu mundumbu ombá kene na kolea-kelú Nikopollis molumbuna ‘Aima pambu.’ nikunu kupulanum te kanuku liikunu aima lkisikunu ui. Kolea popuremi topa alí temba kaliimbumanga na akuna we molumbaliinga akuna ui.

2 John 1:13

Nunga angena [Pulu Yili-ni] “Yunga mulupili.” nimba makó turum akiliinga kangambulama-ni “Nu mului.” niku mundukumele. [Aku manda niker.]