2 Corinthians 8:20 - Bo-Ung NT

²⁰ ‘Eni ku-moni pulele liiku tapunjuku singíma oliu-ni liipu kene [Jerusallem membu pumulú kene ku-moni siring] yambuma-ni [‘Oliu-ni ku-monima tepu bemba sirimulu.’ niku] ‘oliunga ung-bulkundu ninjiku ung-mura naa sai.’ nimbu [oliunga anginele enini kanuku kaí piliiku kape nilimelale kene wasie tapú-topu andamili].’ niker.

2 Corinthians 8:20 ပူးပေါင်းရင်းမြစ်များ

Matthew 10:16

“Eni liipu mundukur yima eni kung-sipsip melema, yambu owa-takara auli kísima-ni sipsipma topa nolemú mele yambuma molemelena eni liipu mundukur. [Nanga ungele anduku niku singí kene piliiku kis piliiku kene yambuma-ni eni mindili liiku singí.] Yambuma owa-takara mele aku-siku molemeláliinga wambiyema piliipa kungnjuliele aima pelemú-na uluma tembandu mimi-sipa piliipa telemú mele eni wambiye akuma mele molku, kera-waembonu molemú mele molai. [Kera akili-ni mélema mindili sipa tepa kis-simba ulu-pulu te naa pelemú.]

Romans 14:16

Nu-ni ulu piliikunu kaí piliiku tellále yambuma-ni kanuku kene nunga ung-bulkundu ninjiku ‘Tepa kis-sikem.’ ningí kene kapula naa temba akiliinga nu-ni tiní uluma mimi-siku piliikunu tekunu mului.

1 Corinthians 16:3

Kanu-kene na ombaliinga, eni Jerusallem-yambuma ku-moni meku puku singí yi mare makó tungíma na-ni pepá mare topu enini sipu kene “Enini Jerusallem-yambuma singí ku-monima meku pai.” nimbu liipu mundumbu.

2 Corinthians 11:12

[“Méle kalai.” aima naa nimbále akiliinga pulele i-sipa mele:] Yi mare eninga bi paka toku ‘Yambuma-ni oliunga ungma piliiku kene ‘Oliu-ni kongun telemulu mele kene Poll-ni kongun telemú mele kene tilu-sipa. [Yu kene oliu kene wasie Krais-ni liipa mundurum yima molupu, kongun telemuláliinga méle kaluliele liimulú.]’ niku kanangi.’ niku telemele mele ‘Aima naa teangi. Yambuma-ni yi kanumanga ung gólu túlima aima naa piliangi!’ nimbu kene ‘Aku-siku niku piliingí kupulanumele pipi sambu.’ nimbu [yi kanuma-ni “Kongun tekemulaliinga méle kalai.” nilimele mele na-ni aima naa nimbu, na yambuma liipu tapunjupu Krais-nga kongun tenjiliáliinga] méle kaluliele naa liiliu mele penga kepe aima naa liimbu.

2 Corinthians 8:21

‘Kondu kululi kongun ili temulú kene Auliele-ni ‘Teku konjukumele.’ nimba kanupili.’ nimbu ku-moni singí kanuma mimi-sipu nokupu kaí tembu teker. Akiliinga-pe akili mindi mólu. ‘Yambuma-ni kepe tekemulu mele kanuku kene ‘Teku konjukumele.’ niku kanangiko.’ nimbu [‘Angin kanili wasie teamili.’ niker].

Ephesians 5:15

Akiliinga, eni teku mulungí mele kanuku kuni teku molai! Eni yambu piliipa kungnjuli naa pili yambuma mele naa andai. Piliipa kungnjuli pili yambuma anduku molai.

1 Thessalonians 5:22

ulu-kísima pali munduku kelku óko liai.